magdalo nagplanong palagpoton si duterte – malacaÑang
ANG ulahing balita sa dayon nang pagsulat niini nag-ingon nga ang Magdalo group lakip kuno sa mga grupo nga nagplano nga palagpoton sa puwesto si Presidente Rodrigo Duterte.
Miingon si Presidential Spokesperson Harry Roque nga nabatasan na kuno sa Magdalo ang destabilization sa gobyerno sama sa ilang tinguha kaniadto nga bungkagon ang Arroyo government.
“Itong grupong Magdalo, talaga namang ito ‘yung kanilang hobby, magpatalsik ng gobyerno bagama’t hindi naman sila nagwawagi,” matod ni Roque.
Bisan pa man og gipanghimakak sa mga membro sa Liberal Party nga nagplano silang gun-obon ang kagamhanan ni Duterte pinaagi sab sa pagpakig-alayon sa Communist Party of the Philippines ug Magdalo, padayon gihapon ang ilang paningkamot ug tinguha nga bungkagon ang kasamtangang gobyerno.
Nasayran sa TNB nga daghan kunong mga membro sa LP nga wala moila o moisip kang Duterte nga pamuno sa nasod.
“Hindi rin sikreto na marami dun sa dilawan ang talagang hindi maka-move on sa pagkatalo nung 2016. Marami sa kanila, ayaw kilalanin ang ating Presidente. At siyempre po, hindi naman nakakapagtaka kung sila ay magkakaroon ng kasunduan upang maipatalsik ang Presidente,” nagkanayon si Roque.
Giklaro ni Roque nga bisan tuod og daghan ang mingsuporta kang Duterte, makaapekto gyod sa ekonomiya sa nasod ang bisan unsang destabilization plot batok sa kagamhanan.— TNB