Unsay sangpotanan sa away ni DUTERTE ug TRILLANES
NAGSUGOD ki kining i tanan sa P Proclamation l iN No. 572 nga giluwatan ni Presidente Duterte samtang misuroy siya sa Israel ug Jordan kauban ang hapit tanang membro sa iyang gabinete. Prabir siya milarga, gitudlo ni Duterte si Kalihim sa Hustisya Menardo Guevarra nga caretaker sa gobyerno samtang atua siya sa gawas. Diay may plano na si Duterte: si Guevarra ang iyang gitahasan sa pag-implementar sa Proclamation 572.
Sumala sa nahimutang sa proklamasyon, nulo o balewala ang amnestiya nga gitugyan ngadto kang Senador Antonio Trillanes kaniadtong 2011 tungod kay kini pirmado lamang ni kanhi Defense Secretary Voltaire Gazmin ug dili ni Presidente Benigno Aquino III mismo. Gumikan niini, gisugo ni Duterte ang pagdakop kang Trillanes ug pagbalhog kaniya balik sa bilanggoan.
Gilibotan gilayon sa mga polis ug sundalo ang nataran sa Senado aron pagsikop kang Trillanes kon mogawas siya sa Senado. Hangtod sa pagsulat niini, Septiyembre 15, o paglabay sa kapin sa duha ka semana, nagpabilin si Trillanes sa sulod sa iyang opisina sa Senado. Apan hapit kada adlaw mihatag siya i og press conference f diin d iyang giatake k si Duterte nga k kuno usa ka diktador ug ang tuyo lamang niini mao ang pagpahilom kaniya aron dili na niya atakehon ang gobyerno ni Duterte. Isog o talawan? Bisan kon mipahayag na ang Malakanyang nga dili siya arestohon kon walay ipakanaog nga orden de aresto gikan sa husgado, nagpabilin nga naglublob si Trillanes sa Senado. Kon tinuod siyang isog, kay kini mao may larawan nga iyang gipakita sa iyang walay puas nga pag-atake kang Duterte, nganong wala man siya mogawas sa Senado? Dili ba mahimo unta siyang martir kon pusasan na siya sa mga polis ug ibalik sa bilanggoan? Dili ba mao man kiniy iyang tuyo aron dapigan siya sa mga tawo?
Ang pagka talawan ni Trillanes iyang gipakita sa duha ka kudeta nga iyang gipangulohan batok kang kanhi Presidente Gloria Macapagal-Arroyo. Ang una mao ang Oakwood Mutiny kaniadtong Hulyo 2003 ug ang ikaduha mao ang pag-okupar ni Trillanes ug mga kauban sa luhong Manila Peninsula Hotel kaniadtong Nobiyembre 2007.
Sa Oakwood, paglabay sa pila ka semana ug dihang nahurot na ang pagkaon sa otel ug wala nay makasulod nga ayuda gikan sa gawas tungod kay gilibotan na sila sa mga sundalo, napugos si Trillanes sa pagsurender.
Apan sa nahitabo sa Manila Peninsula gipakita ni Trillanes nga dili diay siya isog o andam magpakamatay alang sa usa ka prinsipyo. Sa atubangan sa medya, nga naglakip sa mga gikan sa ubang nasod, maisogon ang iyang demand nga kinahanglang manaog si Gng. Arroyo sa puwesto ug pulihan siya sa usa ka hunta militar diin siya si Trillanes ang mangulo. Giawhag niya ang kasundalohan sa pagpaluyo sa iyang kawsa.
Sa paglabay sa pila ka adlaw nga standoff, gihatagan sa gobyerno og deadline si Trillanes sa pagbiya sa otel kay kon dili atakehon na kini sa mga sundalo. Maisogong mipahayag si Trillanes nga andam siya ug ang iyang mga kauban nga magpakamatay.
Sa paglabay sa deadline, ming-abante ang mga Marines paingon sa otel. Walay mga armas nga gigamit apan gipaulanan og mga teargas sa nakasulod nga mga Marines ang mga kuwarto diin magtago si Trillanes ug mga kauban. Gumikan sa teargas napuno sa aso ang otel ingon sa may sunog. Pagkataudtaod, minggawas si Trillanes ug mga kauban gikan sa otel, nga nanagpusnga, giisa ang mga kamot, ug mingsurender. Dili popular sa Senado Niining giatubang nga problema ni Trillanes, pila lamang ka senador ang nagpakita sa pagsuportar kaniya. Si Trillanes membro sa Nacionalista Party apan wala kay nadungog gikan sa mga Villar nga haligi sa NP ug ni kanhi Senador Ferdinand Bongbong Marcos nga milaban kang Trillanes. Daghan og nakaaway nga mga senador si Trillanes. Sa usa ka hearing nga gihimo sa Senado, giinsulto ni Trillanes si Senador Richard Gordon, nga usa usab ka haligi sa NP.
Wala pa hikalimti sa mga opisyal sa Senado ang nahitabo kaniadtong Pebrero 2011 dihang gipakaulawan ni Trillanes si kaniadto Defense Secretary Angelo Reyes. Sa usa ka hearing labot sa giingong korapsiyon sa Department of Defense walay kukaluoy nga gimakmak niya si Reyes sa atubangan sa publiko, sa iyang pamilya ug sa mga opisyal sa kasundalohan. Tungod sa dakong kaulaw, human sa hearing mipauli si Reyes sa ilang balay ug milahos ngadto sa sementeryo ug ginamit ang iyang kalibre .45 nga rebolber nagluthang sa iyang kaugalingon sa ibabaw sa nitso sa iyang inahan. Unsay tuyo ni Duterte? Daghan ang nanag-ingon nga sayop ang gihimo ni Duterte sa paggukod kang Trillanes ilabi na niining panahona diin dakong krisis ang giatubang sa nasod nga naglakip sa pagtaas sa presyo sa nag-unang mga paliton ingon sa bugas, karne ug isda. Ang pagtaas sa inflation giubanan sa pagkunhod sa balor sa peso nga karon P54 na kada usa ka dolyar. Ang presyo sa krudo nga atong giangkat gikan sa gawas nagpadayon pagsulbong. Ug kon motaas ang presyo sa krudo motaas usab ang plete sa mga transportasyon ug apektado ang ubang mga sektor lakip na ang manufacturing. Ang resulta mao nga mousos usab ang paglambo sa atong ekonomiya nga nagpakita og kahimsog sulod sa miaging pila ka tuig.
Kining mga butanga ang angay untang hatagan og pagtagad ni Duterte ug dili ang paggukod kang Trillanes. Hangtod karon popular gihapon si Duterte sa publiko ug ang popularidad ni Trillanes wala sa kumingking kon itandi sa presidente. Busa, angay nga pasagdan na lamang ni Duterte si Trillanes nga magbula ang baba sa pag-atake kaniya. Ingon niini ang demokrasya: ang tanan may kagawasan sa pagpahayag sa unsay anaa sa ilang hunahuna.
Ako hinuon nagtuo nga walay plano si Duterte nga ipabilanggo pag-usab si Trillanes. Iya lamang tingaling tudloan og leksiyon ang senador nga sabaan. Ang Proclamation 572 usa lang ka pagsulay kon paboran ba sa mga hukmanan ang opinyon sa Malakanyang nga dili balido ang amnestiya nga gihatag ngadto kang Trillanes. Matod pa mismo ni Duterte, kon isalindot sa Korte Suprema ang legalidad sa Proclamation 572, iya kining dawaton.—
Ang pagka talawan ni Trillanes iyang gipakita sa duha ka kudeta nga iyang gipangulohan batok kang kanhi Presidente Gloria Macapagal-Arroyo.