ALICE DIXSON , NAG-AADJUST SA MOM LIFE

Inamin ng aktres na si Alice Dixson na talagang nasa adjustment period pa siya sa kanyang bagong role bilang nanay ng kanyang anak na si Baby Aura, at dahil dito ay medyo uncomfortable pa siyang magdetalye sa publiko hinggil sa kanyang first baby na nabuo nga sa pamamagitan ng surrogacy.

Sa virtual mediacon ng bago niyang serye sa GMA na “Legal Wives”, sinabi ni Alice na nahirapan siya lalo na at lock-in taping ang ginagawa nila.

“We kept it for the first two lock-in. Pero at the certain point, kailangan ko nang… yun nga, magpaalam to leave. It just so happened, ang taping namin, yung second lock-in, until February 14. Umuwi kami, February 15. Dumating ako sa bahay, the following day we received… actually midnight of the 16th, we received a call. That call was our surrogate, she’s in the hospital already, she’s giving birth. So, napaka… I thought that was a blessing,” kuwento ni Alice.

Inamin din niya na hindi pa siya talaga nakakapagadjust bilang nanay dahil ilang araw din siyang sumabak muli sa lock-in taping ng “Legal Wives.”

“It was difficult kasi I had to be away for two weeks tapos, we have the yaya. Nakahanap naman kami ng paraan. Unfortunately, up to now hindi ko pa siya talaga nalalaro nang husto because when I was on the set, I got cold and still recovering,” sabi ni Alice.

“So, hindi ko pa siya talaga nakakasama ng 100 percent. Pero siguro in the next few days, I’ll be okay na to take care of her,” dagdag niya.

Inakala rin ng aktres na hindi na siya makakabalik sa “Legal Wives” ngunit talagang ginawan ng paraan ng production para mapanatili ang karakter niya sa “Legal Wives.”

“This show is such a blessing for me. The professional relationships, and the personal relationships were built. I will never forget this show, how things have changed. Nu’ng pagbalik ko for lock-in taping number five, nakakatuwa na naipasok talaga ako sa show because I thought na hindi na ako makakabalik,” sabi ni Alice.

“I returned in the last lock-in… it was different, because mas strict sila. The production was more strict because of the cases that happened when I was away. It was so nice to be back and… it was so nice to complete the show with everyone. I will never forget the experience whether… yes, it was the first lock-in show na nagawa ko… ahh, but I really did enjoy the experience. It was really a wonderful experience,” dagdag niya.

Tsuk!