MGA ‘HUBADERA’ NAGPROTESTA

Isang grupo ng mga stripper sa New Zealand ang nagmartsa kahapon sa parlyamento at doon nanawagan ng mas mabuting trato sa kanila mula sa mga amo.

Dala-dala at iwinawagayway ng dose-dosenang nagpoprotestang babae na tinaguriang “Fired Up Stiletto” ang mga placard na may nakasulat na “mga karapatan ng strippers ay mga karapatan ng manggagawa.”

Hiniling nila sa mga mambabatas na bigyan sila ng legal na proteksyon.

Ang tagapagsalita ng grupo na si Margot Embargot, isang alya, ay nagsabi sa Agence France-Presse na gusto nila ng mas mahigpit na proteksyon laban sa mga mandaragit na employer at magkaroon ng karapatang makipagkasundo nang sama-sama para sa mas magandang suweldo at kundisyon sa trabaho.

Ang mga mananayaw ng strip club sa New Zealand ay nagtatrabaho bilang mga independent contractor.

Sa teorya, maaari silang magpasya kung kailan sasayaw at kung magkano ang singil.

Ngunit sa kalakaran ay mga may-ari ng club ang madalas na nagdidikta ng mga tuntunin -pagpapasya sa halaga ng suweldo at pagpapataw ng multa kapag ang mga mananayaw ay may sakit.

“Dahil walang regulasyon kung paano pinahihintulutan ang mga club na tratuhin ang kanilang mga manggagawa, pinagsasamantalahan nila sila nang husto,” sabi ng 24-taonggulang na si Embargot.

Dagdag niya na mas Madali rin silang manipulahin, abusuhin at hindi seryosohin.

“Palala nang palala ang pagsasamantala,” aniya.

Ang pole dancer na si Vixen Temple, na umikot-ikot sa isang poste habang dumadaan ang mga mambabatas, ay nagsabi na “mahalaga” na mapabuti ng pamahalaan ang mga karapatan ng mga manggagawa sa adult entertainment.

“Ang aming industriya ay binubuo ng mga kababaihan. Kami ay nag-iisang magulang. Kami ay may kapansanan. Kami ay mga marginalized na tao at kami ay nagsusumikap lamang na kumita,” sabi ng 27-taong-gulang, na gumagamit din ng isang pseudonym.

Umaasa ang grupo na ang kanilang petisyon ay hahantong sa bagong batas. Mayroon na itong ilang suporta sa parlyamento.

“Walang sinuman kundi mapagsamantalang employer ang mananalo kapag mayroon tayong mga manggagawa na nahaharap sa mga discretionary fine at paulitulit na pang-aabuso mula sa mga kliyente at employer,” sinabi ng mambabatas ng Green Party na si Ricardo Menendez March sa AFP.

Sinabi ng politiko na kung matagumpay, mapoprotektahan ng mga bagong batas ang mga karapatan ng

“Sa pakikipaglaban ng mga strippers, makikinabang ang mga kontratista mula sa iba’t ibang sektor,” aniya.

WJG