JUSTIN BROWNLEE BALIK SA PAGLALARO
Tapos na ang kalbaryo ni Justin Brownlee at nagbabalik sa paglalaro ang import ng Barangay Ginebra at susi sa pagkapanalo ng Gilas Pilipinas sa huling Asian Games.
Mula pa noong Oktubre naupo si Brownlee matapos makitaan ng bawal na droga sa kanyang katawan. Ngunit nakatanggap si Brownlee ng clearance mula sa FIBA para maglaro, pahayag ng Samahang Basketbol ng Pilipinas kahapon.
“Kami ay natutuwa na ang mga kahihinatnan na inilabas ng FIBA ay hindi pumipigil kay Justin Brownlee na maglaro para sa Gilas sa darating na window,” sabi ni Al Panlilio, pangulo ng SBP, sa isang pahayag.
Ayon sa SBP, “Nag-isyu ang FIBA kay Brownlee ng Notice of Charge na may panukalang tatlong buwang Period of Ineligibility kaugnay ng paglabag sa anti-doping rule na naganap noong 19th Asian Games.”
Ang multiple-time PBA champion ay dati nang na-flag dahil sa pagkabigo sa isang drug test, inihayag ng International Testing Agency noong nakaraang taon.
Ang 2023 Southeast Asian Games at 19th Asiad gold medalist ay nagpasyang magsilbi ng ‘provisional suspension period’ na nagsimula noong Nobyembre 9, at ang desisyon ni Brownlee ay nagbigay ng optimismo kay SBP Executive Director Erika Dy at Gilas head coach Tim Cone na siya ay maliligtas sa matinding parusa.
Bagama’t hindi niya natulungan ang Barangay Ginebra San Miguel na ipagtanggol ang korona sa 2023-24 PBA Commissioner’s Cup, nakinabang sa pagsilbi ng suspension si Brownlee, Ginebra, Gilas at ang buong bansa.
Bahagi siya ng dosenang manlalaro ni Cone na inaasahang bubuo ng GIlas para sa unang window ng FIBA Asia Cup 2025 Qualifiers sa huling bahagi ng buwang ito. Ibig sabihin ay maaari na niyang palakasin muli ang Pilipinas.
“I can’t wait to play basketball again and put all of this behind me,” sabi ng dating PBA Best Import of the Conference awardee.
“Palaging isang karangalan na kumatawan ako sa Pilipinas at masaya ako na mabigyan muli ng pagkakataon,” dagdag niya.
Magiging kapaki-pakinabang sa squad ang naturalized player, ayon sa pangulo ng SBP.
Makakasama ni JB sa Gilas ang mga kapwa bituin ng Ginebra na sina Scottie Thompson at Jamie Malonzo, gayundin sina June Mar Fajardo, Calvin Of tana, Chris Newsome, at CJ Perez na kasama niya sa Hangzhou Games.
Makakasama rin niya ang ilang manlalaro na nakalaban niya noong 2023 FIBA World Cup dahil nasa pool din sina Dwight Ramos, Kai Sotto, at AJ Edu.
Ang nagbabalik ring sina Kevin Quiambao at Carl Tamayo ay inaasahang makakasama ni Brownlee sa unang pagkakataon.
“He’s already played with most of the guys so chemistry will already be there. Maaari na niyang i-ramp up ang kanyang conditioning at handa nang umalis kapag tinanggal na ang kanyang suspension,” sabi ni Cone.
Samantala, haharapin ng mga Filipino hoopers ang Hong Kong sa Tsuen Wan Stadium sa Pebrero 22 para buksan ang unang window. Makakaharap nila ang Chinese Taipei sa Pebrero 25 sa PhilSports Arena sa Pasig City.