Balik-Tanaw Sa Kasaysayan
TAONG 1572 nang pangalanan umano ng Spanish historian na si Diego Lopez Povedano ang lugar na “Dananguet.” Pero pinalitan ito ni Murillo Velarde ng Dumaguete noong 1734 na nanatiling tawag hanggang ngayon.
Dahil sa pagiging magiliw ng mga tao sa mga dumadalaw na turista – lokal man o dayuhan, binansagang “City of Gentle People” ang Dumaguete City, ang pinakamalaking lungsod sa lalawigan ng Negros Oriental.
Sinasabing ang pangalan ng lungsod na “Dumaguete” ay hango sa salitang Visaya na “Daggit” o dagit/hablot dahil sa madalas na pagsalakay umano noong unang panahon ng mga pirata sa karagatang sakop ng lalawigan.
ANG F.B. sa kalyeng F.B. Harrison ay hindi pinaigsing “Facebook”. Ito ay Francis Burton Harrison, pangalan ng dating Amerikanong mambabatas at nagsilbing governorgeneral sa Pilipinas mula 1913 hanggang
1921.
Nakilala si Harrison na tunay na may malasakit para maging independiyente ng Pilipinas. Isinulong niya ang mga patakaran na magpapadali para maging
malaya ang Pinoy sa kamay ng mananakop na mga kababayan niyang Amerikano.
Kahit naisalin na sa mga Pilipino ang pamamalakad sa bansa, kinuha pa rin ng mga naging pangulo ang kanyang tulong para maging tagapayo sa pamamahala.
ANG Filipino-American na si Cristeta Comerford ang unang babaeng Executive chef ng White House matapos magbitiw si Walter Scheib III. Si Comerford, 41, na may US
citizenship status ay naging assistant chef sa White House sa loob ng sampung taon.
Nalugod naman si US First Lady Laura Bush nang tinanggap ni Chef Comerford ang nasabing posisyon.
GINAMIT ni Gregoria de Jesus ang simbolikong pangalan na Lakambini na ang ibig sabihin ay “Prinsesa”. Siya ang unang babaeng Pinay na sumali sa Katipunan.