Astrolohiya
HAPPY BIRTHDAY: Isang kaibigan ang mangangailangan ng tulong na material o payo. Huwag makihalo sa anumang intriga kung ayaw ng gulo o sumakit ang ulo sa problema.
PISCES (Peb. 19-Mar. 20) Darami ang kabuhayan mo at ariarian kapag sinakyan mo lang ang utos ng iyong kapalaran na ikaw ay magpayaman. Lucky days: Tuesday & Wednesday. Lucky nos. 33-18 & 28.
ARIES (Mar. 20-Abr. 19) Bigyan ng pansin ang ibang mga bagay na maaaring makatulong sa katuparan ng iyong mga pangarap. Lucky days: Wednesday & Friday Lucky nos. 14-08 & 33.
TAURUS (Abr. 20-Mayo 20) Mas maganda ang resulta ng trabaho kung nagkakaisa ang lahat kaysa umastang amo o sasarilinin ang paggawa. Huwag ipagkait ang nalalaman sa kapwa. Lucky days: Thursday & Sunday Lucky nos. 25-09 & 33.
GEMINI (Mayo 21-Hun. 21) Itutulak ka ng sarili mo na gawin ang di mo kayang gawin sa nagdaan. Hindi mo magawa, ikaw ay mahina kaya nangangailangan ng pagtulak mula sa iyong nakatagong sarili. Lucky days: Tuesday & Sunday. Lucky nos. 22-24 & 14.
CANCER (Hun. 21-Hul. 22) Mapapansin ang unti-unting panlalamig ng kaibigan o minamahal. Kung hindi alam ang dahilan, walang masamang tanungin siya upang magkaliwanagan. Lucky days: Monday & Wednesday. Lucky nos. 35-02 & 31.
LEO (Hul. 23-Agos. 22) Huwag hayaan kung may problema na hindi mareresolba dahil lalo itong lalaki kung hindi bibigyan ng pansin. Ang munting apoy kung hindi aagapan ay lilikha ng mas malaking sunog. Lucky days: Thursday & Sunday. Lucky nos. 31-22 & 07.
VIRGO (Agos. 23-Set. 23) Ibalik ang dating inayawan mo. Ito ang hiling mo na marami ang kumokontra dahil akala nila ay naghahangad ka lang ng mga material na bagay. Ito ang mensahe para sa iyo. Lucky days: Friday & Monday. Lucky nos. 19-21 & 28.
LIBRA (Set. 24-Okt. 22) Ito ang araw na simulan mo na ang pagiging matipid dahil hindi naman lingid sa iyong kaalaman na sa darating na hinaharap ay marami kang obligasyon. Lucky days: Saturday & Tuesday. Lucky nos. 20-19 & 34.
SCORPIO (Okt. 23-Nob. 22) Ang nararamdaman mong sakit ay mapapawi. Pagbigyan mo ang sariling makapaglakbay sa ibang lugar upang maiba ang ihip ng kapalaran o makasagap nang sariwang hangin. Lucky days: Thursday & Sunday. Lucky nos. 34-29 & 07.
SAGITTARIUS (Nob. 23-Dis. 21) Ang pagpaparaya at pagiging maalalahanin ay maliwanag na pagpapakita ng pagmamahal. Huwag mabahala dahil ang kapalit ng iyong tiwala ay kaligayahan mula sa kinauukulan. Lucky days: Monday & Thursday. Lucky nos. 33-41 & 09.
CAPRICORN (Dis. 22-Ene. 19) Lingunin mo ang iyong pinanggalingan at iwasang maghangad lumipad nang mataas dahil kung bumagsak ay sasambulat ang lahat ng iyong mga pangarap. Lucky days: Sunday and Tuesday. Lucky nos. 16-28 & 34.
AQUARIUS (Ene. 20-Peb. 18) Magiging mapusok ka ngayon at kung walang pagpigil sa sarili ay madadala ka sa kapahamakan at pagsisisi. Lucky days: Friday and Saturday. Lucky nos. 27-39 & 9.