Romblon Prov’l. Gov’t nagkaloob ng P50K sa nakatatandang 9799 anyos

Dalawampung nakatatandang may edad 97- 99 taong gulang ang nakatanggap ng P50,000 na insentibo mula sa pamahalaang panlalawigan ng Romblon.

Ang pamamahagi ng cash incentives sa mga senior citizens sa ganoong edad ay nagsimula kasabay ng 30th Provincial Elderly Filipino Celebration na ginanap sa bayan ng Ferrol.

Personal na pinangunahan ni Governor Eduardo Firmalo ang pamimigay ng ayudang pinansiyal sa mga nakatatanda kung saan pinupuntahan nito isaisa sa mga tahanan ang kwalipikadong senior citizen upang iabot ang P50,000 cash.

Tinanggap naman nina Lola Juliana M. Moreno, 98, at Lola Remedios M. Manzo, 99, ng Romblon, Romblon ang cash incentives at

personal itong inabot ng Gobernador kasama si SP Felix Ylagan, OSCA Head Lerma M. Erispe, Michelle Braganza ng PTO, at MSWDO Ma. Lourdes M. Fajarda.

Batay sa talaan ng Provincial Social Welfare and Development Office, ang mga napabilang sa nabigyan ng insentibo ay kinilalang sina Juliana M. Moreno (98, Romblon); Remedios M. Manzo (99, Romblon); Flora Esteban (97,Looc); Corazon Orencio (97, Romblon); Juan Montesa (97, San Agustin); Corazon Galicha (97,Cajidiocan); Eufrasia Tiaga (97, Santa Fe); Bonifacio Pampola (97, Ferrol); Estelito Largueza (98, Sta Maria); Purita Fetalino (98, San Andres); Columba Tayo (98, Romblon); Aida Cajilig (98, Alcantara); Adoracion Francisco (98, Looc); Equalberto Seraspi (98, Sta Fe); Patrocenio Rabalo (98, Cajidiocan); Loreto Rance (99, Cajidiocan); Primitiva Urbano (99, Odiongan); Adoracion Faclarin (99, Odiongan); Luisa Madrazo (99, Sta Fe) at Diosdada Taborete (99, Odiongan).

Matatandaang binanggit ng gobernador sa kanyang ‘Ulat sa Lalawigan’ ang pagbibigay ng P50,000 cash sa mga senior citizen na may edad 97 hanggang 99 taong gulang para hindi na kailangan pang mag-antay ang mga senior citizen na dumating sa edad na 100 para makatanggap ng insentibo mula sa pamahalaan.

Ang PSWDO sa tulong ng Municipal Social Welfare and Development Office ang magsasagawa ng assessment at balidasyon para matukoy ang mga senior citizen sa iba’t ibang munisipyo na kwalipikado para sa programang ito.

Pangunahing prayoridad sa programang ito ang mga mahihirap o indigent senior citizens na nanghihina na, sakitin, may kapansanan at walang natatanggap na pension o permanenteng pinagkukunan ng kita o suporta sa miyembro ng pamilya.(DMM/PIAMIMAROPA/Romblon)