Tulong-pinansyal para sa biktima ng kalamidad sa bayan ng balabac mula sa NDRRMC at OCD, isinalin na sa pamahalaang panlalawigan
Natanggap na ng Pamahalaaang Panlalawigan ng Palawan ang tsekeng nagkakahalaga ng P57, 689, 404. 91 mula sa Office of the Civil Defense (OCD) at National Disaster Risk Reduction and Management Council (NDRRMC) na gagamitin para sa rehabilitasyon ng bayan ng Balabac na sinalanta ng Bagyong Vinta noong ika-23 ng Disyembre, taong 2017.
Mula sa nasabing halaga, ay paggugol ng pondo ay naaayon sa sumusunod: P21, 749, 700 ay gagamitin para sa Water, Sanitation, and Hygiene Intervention, P26, 517, 053.83 para sa Fishery Rehabilitation Project, P2, 693 680 para sa Crops Rehabilitation Project, P1, 379, 409.04 para sa konstruksyon ng isang gusaling pampaaralan sa Melville National High School, P1, 379, 409.04 para sa kontsruksyon ng isang gusaling pampaaralan sa Melville Elementary School, at P3, 970, 153 para sa pagsasaayos ng Mangsee Village Electrification Project.
Matapos ang pananalanta ng Bagyong Vinta sa bayan ng Balabac ay agad na nagsagawa ng Post Disaster Needs Assessment (PDNA) ang OCD-MIMAROPA katuwang ang PDRRMO na kung saan binisita nila ang mga barangay sa Balabac na naapektuhan ng naturang bagyo. Ayon sa rekomendasyon ng grupo, tinatayang aabot sa halagang P138, 993, 044.79 ang naitalang kakailanganin para sa rehabilitasyon at recovery ng bayan ng Balabac. Ang naturang halaga ang syang naging batayan ng donasyong ibinigay ng OCD at NDRRMC sa lalawigan.
Inaasahang maibibigay sa mga mamamayan ng Balabac ang tulong sa lalong madaling panahon. Sa kabilang banda, noong buwan ng Agosto ay nakapagbigay na rin ang pamahalaan sa pamamagitan ng Department of Social Welfare and Development sa pakikipagtulungan nito sa Pamahalaang Panlalawigan, ng tulong sa mga mamamayan ng Mangsee sa pamamagitan ng pamimigay ng mga materyales pang-konstruksyon at mga pangunahing pangangailangan tulad ng food packs at hygiene kits.