ISKOLAR NG VOCATIONAL COURSES NG PAMAHALAANG PANLALAWIGAN, NAGSIPAGTAPOS NA
Umabot sa 245 ang bilang ng mga nagtapos sa 18th PGP-JCA Scholarship Program Commencement Ceremony na ginanap noong ika-6 ng Oktubre sa Palawan Technical School Complex na matatagpuan sa barangay Plaridel, bayan ng Aborlan. Ang mga nagtapos ay ang mga nabiyayaan ng vocational at technical scholarship program ng Pamahalaang Panlalawigan sa pakikipagtulungan ng Asian Business Cabletow Cooperative Academy. Dumalo sa naturang seremonya si Agnes Alarilla, program manager ng IHELP-Education Unit ng Pamahalaang Panlalawigan. Ang mga scholars ay sumailalim sa mga pagsasanay na kinabibilangan ng mga kursong Housekeeping NC II, Food and Beverage Service NC II, Bartending NC II, Massage Therapy NC II, Computer Systems Servicing NC II, Driving NC II, Heavy Equipment Operation NC II, Front Office Services NCII, Visual Graphic Design NC III, at Bookkeeping NC III. Sa ibinigay na mensahe ni ABCCA Administrator Dr. Soc Anthony del Rosario, tinuran niya na nais nilang gawing prayoridad ang kursong Heavy Equipment Operations. Ipinaliwanag din niya na ang pagkakaroon ng community-based na pagsasanay ng tech- nical at vocational courses. Sa kasalukuyan ay umaabot na sa mahigit 20,000 ang nabenepisyuhan ng scholarship sa technical at vocational courses na nakapaloob sa Programang Pang-Edukasyon para sa Palawe o ng Pamahalaang Panlalawigan. Samantala sa mga nais na mapabilang sa libreng vocational training sa ABCCA, maaaring tumungo sa tanggapan ng IHELP-Education sa gusaling Kapitolyo o makipag-ugnayan kay Aldrin Nepomuceno sa mga numerong 09466007739 at 09057909872.