COMELEC, NANGUNA SA ISINAGAWANG WOMEN AND ELECTIONS SEMINAR

Pinangunahan nina Commission On Elections (COMELEC) Commissioner Socorro Inting at Commissioner Luie Tito Guia ang isinagawang Women and Elections Seminar noong ika-18 ng Marso sa gusaling Kapitolyo bilang bahagi ng paggunita ng National Women’s Month at paghahanda na rin sa papalapit na mid-term elections.

“Malaking opportunity na magkaroon ng ganitong seminar, dahil isa itong paraan para mahikayat ang mga kababaihan na makiisa at makibahagi sa elec- tions, ma-empower ang mga babae at magkaroon sila ng boses lalo’t higit sa pamumuno ng isang lugar o komunidad,” ani Commissioner Inting.

Tinalakay sa naturang gawain ang iba’t ibang papel ng mga kababaihan tuwing eleksyon at maging nilalaman ng Magna Carta for Women at Fair Elections Act. Nagkaroon din ng Vote Counting Machine ( VCM) demonstration kung saan nabigyan ng pagkakataon ang mga partisipante na masubukan na makaboto gamit ang VCM.