Kontekstwalisado at lokalisadong kurikulum sa edukasyon
BA TAY sa nakasaad sa DepEd Misyon na isa sa mga layunin ng Kagawaran ay magkaroon ng dekalidad na edukasyon ang lahat ng mga mag-aaral na Pilipino.
Halos kasabay ng pag-inog ng mundo ang mabilis na pagbabago. Kasabay naman ng pagbabago sa kasalukuyan ang iba’t ibang pangangailangan sa pagkatuto ng ating mga mag-aaral dahilan sa iba’t ibang hamon o pangangailangan ng ating bansa maging sa buong mundo. Ang Kagawaran ng edukasyon ay puspusang nagsasagawa ng mga pagsasanay sa mga guro, pagpapagawa ng mga kagamitang pampagtuturo at iba pang pagpapaunlad sa propesyunalismo ng mga guro upang makaagapay sa iba’t ibang hamon ng pagbabago. Isa sa makabagong pinagtutuunan ng mga matataas na awtoridad sa Kagawaran ay ang pagpapatibay ng Kontekstwalisasyon at Lokalisasyon sa Kurikulum. Ayon sa Contextual Learning Theory ( Manejero 2014), ang pagkatuto ay nagaganap lamang kapag ang mga mag- aaral nakapagproseso ng bagong impormasyon o kaalaman sa kaparaanang makabuluhan sa kanilang sariling batayan. Ang isipan ay naghahanap ng kahulugan sa konteksto sa pamamagitan ng pag-uugnay nito upang lalabas na makabuluhan. Pinabulaanan ng teoryang ito ang kahalahagan ng lokalisasyon at kontekstwalisasyon sa pagpapa-unlad ng pagkatuto ng isang mag-aaral.
Sa pamamagitan ng konstekstwalisadong kurikulum nakagagamit ang guro ng mga awtentikong gawain na maaring malapit sa interes, kultura, karanasan at buhay ng mag- aaral kaya’t madali niyang maiuugnay- ugnay ang mga ito dahil sa malapit na relasyon ng kanyang buhay sa tinatalakay ng guro. O dili kaya’y nagagamit niya ang kalikasan ng kanyang buhay sa kanyang madaling pagkatuto at kabaliktaran nito. May kahalagahan din ang nilokalized na kurikulum sapagkat nagkakaroon ng makabuluhang pagkatuto ang mga mag- aaral dahil nasa palibot niya mismo ang kagamitan at laboratoryo ng kanyang pagkatuto. Bukod dito nahihikayat rin ang paggamit ng limang paraan ng pagkatuto una dito ay Pag-uugnay ( Relating ), Pagpaparanas (Experiencing), Paglalapat ( Applying) , Pakikilahok (Cooperating) at Paglilipat( Transferring). Sa paraang ito higit na marami ang nalilinang na kasanayan at kaalaman sa mga mag-aaral. Sa pagkakataong ito ang kakayahan at kasanayan ng guro ang hinahamon ng Kagawaran para maisakatuparan ang misyong ito. (