Pananaw sa asignaturang Filipino
PAGSULONG... pag-unlad... tagumpay... tatlong salitang mailalarawan sa kasalukuyang estado sa pagpapatupad ng K-12 Curriculum para sa unang apat na taon sa hayskul - ang Junior High.
Sa pag-aaral ng asignaturang Filipino, lalo na sa dalawang huling baitang, ang Grade 9 at Grade 10 maliwanag na masasalamin sa mga akdang pampanitikan ang mga kultura mula sa mga bansa sa Asya at ilan pang bansa sa Kanluran.
Ang kultura ay paraan ng buhay kung saan natututo ibinabahagi at ipinapasa sa susunod na salinlahi sa pamamagitan ng wika o simbolo. Kung gavon, ano ang kaugnayan ng kultura para sa pag-aaral ng mga akdang pampanitikan mula sa ibang bansa sa ating mga Pilipinong mag- aaral?
Sa tulong ng Gabay ng mga Mag-aaral sa Filipino, (Isang Modyul na ginagamit bilang batayang aklat sa asignaturang Filipino) mahalagang matiyak ang kulturang masasalamin sa bawat akdang pampanitikan sa mga bansang sakop ng Asya at mga bansa sa Kanluran nang sa gayon ay matugunan ang, pangangailangan ng mga mag-aaral na maintindihan ang iba pang kultura at pamumuhay ng mga tao ng karatig-bansa ng Pilipinas.
Ang panitikan ay ginamit bilang lunsaran sa pag- unawa ng kultura, magkakapareho man o magkakaiba sa bawat lipunan. Dahil sa ang panitikan ay nagsasaalang-alang sa paraan ng pamumuhay ng mga tao sa pangaraw-araw, hindi ito maaaring mailalayo sa kung paano nila ipinakikita ang pamamaraang ito.
Kaya ang mambabasa, sa oras na babasahin ang isang akdang pampanitikan, masasalamin nito-o kakikitaan ng mga katangiang pangkultura ang mga tao sa bansang kinatawan nito.
Dahil dito, malaki ang maitutulong sa ating mga Pilipino lalo na sa mga nagnananis makapangibang-bansa na may paunang kaalaman sa kanilang pupuntahan upang lalong magbigay- pugay sa bansang pinagmulan.
Hindi maikakaila na saan mang panig ng mundo may lahing Pilipino па namamayagpag at nagbigay dangal sa bansang Pilipinas.
Maraming Pilipino ang nagtagumpay sa pangingibang bansa kahit gaano man kalaki ang kanilang pagsasakripisyo.( Contributed article)