Ang pagkilala kay Hesukristo sa Iya kamatuoran ukon sa imahen lang

DAW indi magpati ang abyan naton nga si Pedro sa nakita kag nabalitaan niya sa TV parti sa pag- upod sa procession (traslacion) sang sobra 30,000 ka mga deboto sang Itom nga Nazareno (Black Nazarene) sadtong Enero 9, kon san-o ginaselebrar ang pyesta sini kada tuig.

Indi kasubong ini kadamo, sunu sa iya, ang nagdugok sa sining traslacion sang pagpadungog sa Black Nazarene sa nagliligad nga mga tinuig.

Seguro kay mga tatlo gid man ka tuig nga wala ini mahiwat tungod sang Covid- 19 pandemic sugod sadtong Pebrero 2020 sa pungsod, pagkatapos una nag-igu ini sa China sadtong Nobyembre 2019 kag amatamat lang nagtahaw sadtong 2022.

Nahalawhaw man si Pedro sa ginpakita nga paghangad sang mga deboto nga nagadinagoso sa pagdugok kag pagsunod sa karosa sang imahen ( istatwa) sini sa ginhiwat nga procession nga naglabut sa sobra 15 ka oras halin sa kaagahon tubtub sa pagbalik sini sa Quiapo Church sa Manila sang gab-i na.

May nagapilit gid gani sa pagkabit sa kilid sang karosa bisan ginadilian ini agud mahaplos bisan na lang ang salamin kon diin nasulod ini, samtang ang iban nga nagadinasok gid sa palibut gahaboy sang mga tuwalya sa mga nagabantay agud ihaplos ini sa salamin ugaling ihaboy balik ini sa ila.

Bag-o sini may “pahalik” naman sa Black Nazarene ang ginhiwat sa simbahan para sa publiko.

***

Ginasiling nga milagroso ang ining imahen sang Black Nazarene gani indi katingalahan nga madamo ini sang mga deboto nga luyag gid makapalapit, makahikap kag maghalok diri.

Kon paano nasapwan sang mga tumuluo ining Black Nazarene nga imahen ni Hesukristo, nga indi naman itom sing pamanit sunu sa Bibliya, kag ginpadunggan wala ugaling kita kahibalo.

Ang nabalitaan nga pag-ayo sang mga naga-balatian sa paghikap lang sini nagdugang pa gani sa paghangad sini tubtub nangin kapistahan na ang pagpadungog sini paagi sa traslacion, nga nagapadumdum sang pagsaylo sini halin sa isa ka simbahan sa Luneta (Bagumbayan) pakadto sa Quiapo Church.

***

Medyo gareklamo ugaling si Pedro sa klase sang ginapakita nga paghangad sang mga tawo sa ining imahen ni Hesukristo.

Nanotaran niya kuno nga daw gatutok na gid lang ang ila pagsimba sa imahen nga ini ni Hesukristo. Kag indi na sa personal nga kamatuoran ni Hesukristo sa Iya pagkatao pisikal sa nahibal- an nila sa Bibliya kag ispirituhanon nga kamatuoran bilang Anak sang Diyos nga ginbunag ni Maria paagi sa Ispiritu Santo.

“Daku i ni nga kasal- an nga ‘ idolatry’, nga ginasikway sang Bibliya,” paathag ni Pedro.

Indi bala katoliko ka man, siling ko, kag kahiwatan na sang Simbahan Catolica ang paghatag sing importansya sa mga imahen ni Hesukristo kag sang mga baganihan sang Simbahan nga kon tawgon mga santos?

“Ti, ngaa ano gid ang reklamo mo dira?”

Siling niya: “Indi bala ang Bibliya nagasiling nga kilalahon lang naton ang matuod nga Diyos kag wala na sing iban kag kon sin- o lang nga diyos-diyos ukon bisan pa gani sang ila mga imahen?”

“I n d i h u s t o i n a n g i m o interpretasyon sa panugyan sang Bibliya. Indi bala normal lang sa aton nga mga tao ang maghupot kag magpakabit sang mga retrato sa dingding sang aton mga ginikanan, iban nga myembro sang pamilya, kag kon sin- o pa nga luyag naton dumdumon sa adlaw- adlaw para indi kita malipat sa ila? Ginaamligan man naton ining ila mga retrato sa pagpakita naton sang respeto sa ila, buhi man ukon nagtaliwan na,” siling ko.

” T i , a n o a n g m a l a i n k o n

gina dumdum ta man si Hesukristo, nga Anak sang Diyos paagi kay Maria, paagi sa iya imahen sing may kasubong nga respeto kag pagdumdum? Ma lain lang inak on panginsult on as a Di yo ska gm ga santos ang aton paggamit sa sining ila mga imahen,” dugang ko gani.

“In fact,” siling ko pa, “Ang mga pari nga katoliko nagakilala man sining kasal- anan nga ‘idolatry’ kon ang ginasimba mo ang imahen lang nila kag indi ang matuod nga kamatuoran sang Diyos kag mga santos?”

Ginaako ini nga kamatuoran sang Simbahan Cartolica mismo. Sa interbyu gani sa isa ka pari sa tion sang Traslacion sadtong Enero 9, ginsiling niya nga mayoron ta ang pagpangamuyo kon diin ginalab-ut gid sa aton kaisipan kag balatyagon si Hesukristo kag indi lang sa iya imahen sa Black Nazarene kundi sa Iya gid.

In fact, kon nagapangamuyo kit as aDiy os, indib ala ginapiyong ta ang aton mga mata agud matumod Siya sa iya ispirituhanon nga kamatuoran kag in di kaysaiyai mahen lang?/