SALITANG MILENYAL PATOK SA MGA MAG-AARAL SA HAYSKUL
Ang pagsibol ng teknolohiya kasabay ng pagbabago sa lahat ng aspekto ng ating bansa ay hindi makakailang lubos na naapektuhan ang kilos at pamumuhay ng mga tao maging sa larangan ng pag-aaral.
Malaki ang naging epekto ng teknolohiya upang manipulahin at kontrolin ang isip at desisyon ng tao, isa na rito ang paggamit ng iba’t ibang wika.
Ang wikang Filipino ay isang pinakamahalagang sangkap na sumasalamin sa sariling pagkakakilanlan at sumisimbolo ng ating pagka-Pilipino. Ito ang instrumento upang maipahayag ang ating mga saloobin, opinyon at mga ideyang nais ipaabot sa kapwa. Bawat lalawigan ay mayroong sariling dayalekto, ito ang anak ng wika na ginagamit ng iba’t ibang probinsya o lalawigan.
Ngunit dahil sa teknolohiya umusbong ang social media gaya ng Facebook, Twitter, Instagram, at Youtube na kung saan naging sanhi upang matuto ng iba’t ibang bagay ang mga tao sa wika at kultura ng ibang bansa. Dito na pumapasok ang paggamit na ngayon ng mga salitang milenyal. Ito ay bunga ng pagkadinamiko at pagkamalikhain ng wika, madalas ginamit dito ang mga salitang hiram o mga salitang nagmumula sa ibang lengwahe na patok sa mga kabataan ngayon.
Madalas na maririning ito mula sa bibig ng mga mag-aaral sa hayskul na sa murang edad ay mulat sa modernong mundo at higit na nabigyang-pansin ang ganitong uri ng salita. Isa sa pinakamalaking impluwensya ay ang Wikang Koreano. Sa panonood ng mga Korean K-Drama at pagtangkilik ng mga artista na mula sa Korea kagaya ng BTS na mas naiinganyo ang mga Pilipino lalo na ang mga kabataan na matuto ng kanilang wika.
Higit na nakikita ang hilig sa mga salitang milenyal sa mga mag-aaral sa hayskul pagdating sa talakayan sa loob ng klase at ginagamit ang mga salitang milenyal na ito. Ang wikang koreano ay iisa lamang sa mga wikang banyaga o hiram ang ginagamit ng mga Pilipino. Laganap din sa bansa ang mga salitang bago na ginamit ng mga sikat at tanyag napersonalidad. Ang pagyakap sa mga pagbabago ay magandang hudyat ng pag-unlad ngunit bilang isang Pilipino ay kailangang pa rin nating tangkilikin at pahalagahan ang sariling atin, Ang Wikang Filipino.(