Lehislasyon nga mapuslanon

NAGSUGOD na sa pag-validate ang mga katapo sang Provincial Legislative Awards Committee nga ginapamunuan ni Vice Governor Christine “Tingting” Garin bilang chairman, sa mga nagpasakop sa “Search for the Most Outstanding Sanggunian in the Province of Iloilo.”

Amat-amat nga ginapadulungan ang mga local government unit nga nagpakigbahin sa sini nga paindisindis agud ma-validate ang ila mga dokumento may kaantanan sa ginasaad sa criteria.

Nahibaluan nga may 14 ka mga banwa nga nagpangisog agud nga magpakigbahin sa sini nga paindisindis agud nga makilala ang ila maayo nga hinimuan, mga proseso, kag mga patikang nga ila ginahimo tuhoy sa lehislasyon kag agud nga mas makaserbisyo sing lubos sa ila nasakupan nga mga pumuluyo.

Ang natumod nga mga banwa ginalakipan sang Guimbal, Oton, Tigbauan, kag Tubungan sa first district; Leon, New Lucena, Pavia, San Miguel kag Santa Barbara sa second district; Janiuay kag Maasin sa third District; Banate kag Passi City sa fourth District; kag, Concepcion sa fifth district sa probinsya sang Iloilo.

Indi malipod nga ang mga n a g p a s a k o p n g a m g a l o c a l government unit lunsay nagahandom nga magpangibabaw sa sini nga paindis- indis. May pila sa ila ang luyag nga makatuon kag makaagom sang dugang nga ihibalo sa kon paano mas mangin epektibo ang ila pagserbisyo sa ila pumuluyo paagi sa pagpasar sang mga resolution kag ordinansa kag mga angay nga proseso ukon patikang angot diri.

Kon aton tungkaron ang katuyuan sang bise gobernador, luyag gid sini nga mabatak ang kahimtangan sang mga sanggunian sa kada local government unit paagi sa mga talaksan nga makapaayo sa ila pagserbisyo, pagpasar sang dekalidad nga mga ordinansa kag sarang nga mapatuman kag indi lang mayab-ukan ukon malimtan.

Kahigayunan man ini suno kay Vice Governor Christine “Tingting” Garin nga mahangkat ang ikasarang sang mga sanggunian sa kada banwa nga maghimakas agud nga mapanami ang ila pagserbisyo kag makaagom sang mga pagkilala.

Isa ini ka palaagyan agud nga magnuto sila kon paano magpasad kag magpasar sang mga mapuslanon nga mga ordinansa, sa pagtuon kon ano ang dapat mangin kaundan sang ila mga ordinansa, kon ano ang mga talaksan nga dapat sundon kag mga padugi nga dapat himuon agud nga mangin epektibo ang ila pagpanghimanwa.

Kahibalo kita nga madamo sang nagapungko sa pwesto nga kulang sang ihibalo ukon ideya sa ila trabaho, bisan pa gani ang nakatapos na sang ila termino ang dapat pa gid nga magtuon kag magdugang sang ila kaalam angot diri.

Tuman ka daku ang gahum nga gina-uyatan sang mga katapo sang sanggunian. Kinahanglan nila nga mahibaluan ang kinaiya sang sina nga gahum, kon paano gamiton agud epektibo nga makaserbisyo sa ila nasakpan.

Husto ang katuyuan sang bise gobernador sa paglunsar sang sini nga paindis-indis. Sa sini, makatuon ang mga sangguniang bayan members kag ila presiding officer ukon ang bise alkalde kon ano ang ila mangin direksyon paagi sa ila ginaduso nga mga ordinansa. Kon ano ang mga dapat pondohan nga mga proyekto kag kon ano ang mga dapat ipatuman nga mga proyekto nga makasabat sa pagkinahanglan sang ila nasakpan.

Una in ingatuig sang implementasyon sang paindis-indis. Madamo pa sang lugar kag higayon agud nga ma-imprubar ini paagi sa mga suhestyon sang tagsa ka sanggunian, mga matun-an samtang ginahikot ini kag mga ideya nga magatuhaw samtang ginapatuman ini.

Bukas ang Provincial Legislative Awards Committee ( PLAC), sa pagpamuno ni Vice Governor Christine “Tingting” Garin bilang chairman sam ga tug dan ga magagikan sa mga local government unit agud nga mas mapapag- on pa gid ang mga talaksan kag mas mapaayo ang mangin resulta sang sini nga paindis-indis, nga makabulig sing daku sa tagsa ka mga lokal nga panguluhan.

Sa subong, lauman na naton ang maayo nga epekto sini sa tanan nga nagapasakop tungod nagatuon sila sa paghikutar sang ila mga papeles, sa pagplastar sang mga dokumento, sa pagtadlong sang mga proseso, kag pagpuno sa mga kakulangan.

Matuod nga may mga banwa nga makabig beterano sa paindis- indis tungod masami nga nagapasakop, nakaagom na sang kadalag-an kag ginkilala na sa bug-os nga pungsod.

Apang, ang kada paindisindis isa ka higayon agud nga mas makaagom sang bag- o nga ideya kag kalam, kag mas maimprubar ang sistema sa pagserbisyo sa mga kasimanwa.

Mas nagapagsik ang mga local government unit, mas nagahimakas, mas nagatuhaw ang ila pinsahi nga mga inisyatibo kag maduagon nga mga padugi agud nga malabawan ang ila mga kasumpong sa paindis-indis.

Sa nasiling na, sa tagsa ka may kompetisyon nga nagakatabu ang bentaha yara gid nga maagom sang mga pumuluyo.

Kabay nga mangin inspirasyon ini sang iban pa nga mga LGU nga magpakigbahin kag agud matukiban nila ang mga pamaagi kon paano nila maimprubar ang ila katungdanan sa bahin sang lehislasyon, kag agud matukiban man sang mga nagahimo sang ordinansa kag resolusyon kon ano ang dapat nila nga hatagan sang atensyon nga makahatag sang benepisyo sa ila mga nasakpan nga pumuluyo. ( bertladera@ gmail.com/