Pinasahe sa Iloilo

SUNU sa aton abyan nga si Pedro madamo nga trabaho sa gobyerno ang mahinay nga matapos tungod sa dugaydugay nga pagbalikid sa orasan sang mga empleyado nga daw may appointment nga indi nila dapat malipatan.

Kon madasig gid man ang pagtrabaho, indi naman maayo ang pagtapos sini kay ang orasan ang ginahimo nga talaksan bisan wala man ini ginasakuan.

I n other words, sunu kay Pedro, mas mabungahon seguro sa pagtrabaho ang mga empleyado kon durop lang sa pag- ubra nga wala gina-orasan ang ila trabaho tubtub magtonog ang dismissal bell.

Kon wala gid man sing ulubrahon, pwede man mag-unyat-unyat kuno sang kalawasan, magtulutindug kag mag-in-place exercise sa pulungkuan nga indi maka-iskandalo sa iban agud mapabilin ang kapagsik sang mga empleyado sa trabaho. Syempre luyag man sina ni bossing nga mapabilin ang kapagsik sang iya empleyado, indi bala?

***

Gin- treat ako kag si asawahon sang akon duha ka hija sa isa ka panyaga sadtong Domingo.

Indi ini sila nga duha pirme namon kaupod sa balay. Ang kinagot lang, nga public school teacher, samtang ang magulang naga-board sa gwa agud mapalapit sa iya gina-ubrahan bilang CPA sa Commission on Audit sa Western Visayas office.

Tungod gani sini, kon san-o lang namon maupod ang magulang. Kag kon mag-upod kami nga apat sa gwa kon may okasyon lang nga importante sa amon nga mag-pamilya.

Liwat kami nag- upod nga apat para sa panyaga sinang Domingo. Importante yadto nga okasyon para sa amon nga mag-asawa. Indi ko lang isugid ugaling kon ano nga okasyon. Basi ma-kuryente kami, he-he-he!

Sa pagsampot pa l ang sa pwertahan sang restoran makahatag na ini dayon sing interes. Sa ngalan pa lang.

Wala pa ako makasulod sa kasubong nga restoran. Nowhere in the Philippines, hambalon pa, nga may kasubong sina nga lugar nga nasudlan ko sa akon pagattend bilang student leader sa mga conference kag tuigan nga pagtililipon sang mga organisasyon nasyonal nga katapo ako.

Indi lang sa Manila kundi tubtub sa pila pa ka lugar sa Luzon, luas sa pila ka lugar diri mismo sa Western Visayas. Kag indi lang tungod sining mga okasyon kundi langkoy na ang paglagaw-lagaw sa free time.

Lakip na dira sang ma- qualify ako sa isa ka one- month student leadership institute sa Cebu. Subong man samtang editor each time sa tatlo ka local daily para sa pagpasanyog pa sang akon ihibalo sa ina nga trabaho.

***

Sa ngalan pa lang sang restoran unique na i ni nga makatawag igtalupangod sang huyog sang tagiya sa pagsagud sang kuring. In fact, madamo dira ang makita nga nakadisplay sa sulod mismo sang palibut sang restoran.

Nagalai n - l ain nga kuring nga pwede hikapon, apang indi makungkong, libre sa isa ka aircon nga kwarto kon diin sa pagsulod required ka mag-uba sang sapatos kag mag-face mask. May bulbulon kag i ndi, may tambukon, may niwangon, may sobra ka daku nga pensar mo isa ka idu.

May mga kuring man nga wala gid sing bulbol! Mga lima ang nakita ko sa ila cage. Daw dressed chicken nga ready litsunon. Ang isa nga may daku mata daw alien creature gani sa pelikula.

May waiter man dira nga daw genius. Man, siya pa lang, sa tanan nga waiter nga naka-serve sa akon, ang wala nagalista sang order sang kustomer. Lima kami, upod ang nobyo sang magulang, kag malapit sa walo ang order.

Nangutana gid ako sa iya kon kaya niya madumduman ang tanan namon nga order. “Huo,” siling niya nga daw nagapahambog pa.

Sa pensar ko lang, andaman mo lang karon kon may isa ka order ang indi mo ma-serve ukon sala sa ginorder namon.

Aba, ang tanan namon nga order na-serve niya personal kag sa

paglihog sa kaupod nga mga waiter!

***

I ndeed, where i n t he Philippnes may kasubong nga attraction – madamo nga mga kuring nga may nagakalain-lain nga rasa. Kag mahagop pa bisan

sa indi nila kilala!

Indi kasubong sang amon mga kuring – mukhang hybrid ang duha kag ang isa bulbulan nga Persian nga may kasubong sila dira sa restoran - nga nagapinalumba palagyo sa indi nila kilala.

Kag where in the Philippines nga may waiter nga may kasubong nga abilidad sa pag- memorize sang order sa iya, samtang ang iban makita ko nagalista gid sang gina-order sa ila.

Bas i i n t e r e s a do kamo mahibal- an kon diin ang restoran nga ini? Bisan pangcuriosity lang nga matigayon mo sa pag- order sang snack kay, sunu sa standard sang akon bulsa, medyo mahal ang pagkaon diri.

Diri lang ini sa Mandurriao, siyudad sang Iloilo./