‘Hindi nag-iisa’ batok sa China

SINING ulihi lang nga tinuig nangin matonog ang mga isyu batok sa mga naga- claim nga propeta sila sang Diyos.

Gali kay peke! Sang magbistuhanay na, ginagamit lang gali ni pastor ang amot kag donasyon para sa kuno ibulig sa mga nalisdan agud mapatambok lang ang iya bulsa kag agud maka- asta nga diktador sa iya inosente nga mga sumulunod. Katulad man bala sa mga “corrupt” nga mga politiko nga ang handom manggad kag poder lang.

Sunu sa Bibliya, ang mga propeta may mga “divine communication” sa Diyos kag kilala sa ila Diyosnon nga panimuot kag pamatasan. May espesyal man ini sila nga ihibalo sa mga nagliligad kag bisan sa palaabuton (prophecy).

On the other hand, ang mga peke nga mga propeta naga-“preach” man sang maayong balita angot sa moral kag ispiritwal nga kabuhi sang tawo kag, sa publiko, nagapakita nga daw mga “harmless” nga mga karnero, gali kay Yawan-on sing pamatasan.

Ginapatalang sini ang daw nahypnotize nga mga sumulunod agud sunud-sunuran sa iya malain nga mga hingyu kag buhat. Ginatiplang sini ang mga kabataan agud mahimuslan, ginapahog sing silot nga Impyerno ang mga sumulunod para mapasobahar sing lubos ang mga sumulunod sa iya luyag. Todo madumot man ini supak sa ginatudlo ni Kristo, ng iya kuno ginayauban. Mastermind man ini sang mga hilimuon kriminal katulad sang ginahimo sang mga sindikato.

Kag palagpat lang gali ang iya propesiya (prophecy). Indi kasubong sang mga matuod nga mga propeta sa Bibliya nga mapamatud-an nila ang ila ginasugid nga mga hitabo sa nagliligad kag bisan sa palaabuton, katulad nanday Daniel, Ezekiel, kag Jeremiah sa Bibliya.

Natandaan ta pa ang peke nga propeta nga, samtang yara sa Mount of Sinai si Moses, ginpatalang ang mga Israelita agud magsimba sa Bulawan nga Tinday (Golden Calf). May nagpapati man sa iya sumulunod nga katapusan na sang kalibutan kag gin-upod sa pagpakamatay ini sila tanan agud malikawan ang kuno wala tupong nga kapahamakan, nga wala man natabo. May yara man nga gintalana ang kamatayon sang iya kaaway sa pila ka bulan, apang nagligad lang ang tinuig wala man sing natabo sa iya kaaway.

Tungod sini, si Hesukristo nagpaandam gid sadtong panahon pa Niya batok sa sining mga peke nga mga propeta.

Siling Niya: “Amlig kamo sa ila (‘ false prophets’) kay samtang gapakita sila katulad sang mabuot (harmless) nga karnero (sheep) sa ila hulam nga panapot, sa matuod gali mga mabangis ini sila nga mga lobo (wolves) nga magahatag sa inyo sang kapahamakan.”

***

Dapat tapos na ang “Era of Conquest” - ang magpalawak sang gahum paagi sa pagpangagaw sang teritoryo sang iban, ukon sa pag-angkon sang pila ka lugar nga gindaug sa gyera, ukon sa ano pa nga taliwas nga hingyu nga nasakop ining dugang nga mga teritoryo.

Patapos naman ang “Colonialism” agud kilalahon ang self-determination sang mga pumuluyo sa ila ginakilala kag naandan nga teritoryo kag puluyan.

Ginakilala naman ang “equality of rights” sang mga pungsod kag pagpatuman lang, tubtub mahimo, sang “… peaceful means with the principles of Justice and International Law…” (UN Charter, Chapter 1, Article 1).

Unfortunately, wala ini ginasapak sang China. Padayon nga gina-insistir sini ang iya “illegal” nga “historical claims” sa South China Sea, nga natigayon sa panahon pa sang Era of Conquest, kag sang pagduso sang iya Revisionist Policy sa karon.

Ano ayhan ang mahimo sining magagmay nga mga pungsod agud mapunggan ang kabuangan sang China?

Tungod obligado ang Filipinas kag ang iya kasilingan sa Southeast Asia nga may claim man sa SCS sa panugyan sang UN for “peaceful settlement of disputes, ginpakamaayo nila nga hingyuon ang China sa pagsulod sa isa ka “Code of Conduct”. Apang kansar lang, kay gapadungol lang ini kay ang iya “illegal” gid nga luyag ang masunod. So, ano na lang