Kusog sang kababaihan
GINASAULOG ang bulan sang Marso bilang National Women’s Month diri sa pungsod Pilipinas bilang pagkilala sa kaimportante sang rolyo sang kababaihan sa aton panimalay, komunidad kag pungsod.
Ang Iloilo Provincial Government, paagi sa Gender and Development ( GAD) Council, nagsugod sang selebrasyon sang National Women’s Month paagi sa Women’s Symposium on Climate Change Resiliency sadtong Marso 5, 2024, sa Casa Real de Iloilo.
Nahibaluan nga ang ang tema sang 2024 National Women’s Month Celebration amo ang “WE for gender equality and inclusive society” nga nagatuyo nga i- capitalize ang ginabalik-balik nga tema nga “WE for gender equality and inclusive society,” nga gin-introduce sang tuig 2023.
Madamo sang ahensya sang gobyerno ang nagahiwat sang magkatuhay nga aktibidades bilang pagkilala sa ikasarang, sa mahimo, kag sa papel sang kababaihan sa pagpatin- ad sang komunidad kag pungsod.
Madamo sang pamaagi kon paano nagakontribwer ang kababaihan sa pagpaayo sang aton katilingaban. Makita ang ila paghimakas agud nga mabatak ang aton kahimtangan padulong sa mas anyogn ga pagpangabuhi.
Da pa tip a bug a lang mg a kababaihan nga nagahimud-os nga makabulig sa pagpatin-ad sang aton katilingban paagi sa ila pinasahi nga mga binuhatan.
Madamo sang mga babaye nga nagpangibabaw sa ila propesyon ukon sa ila trabaho, may mga pulis, mga manunudlo, mga siyentipiko, mga suldado, mga doctor, mga iloy sang tagsa ka puluy-an, kag iban pa.
Lakip man diri ang mga elected officials nga kababaihan nga magahiwat sang national summit ukon ang Lady Local Legislators’ League of the Philippines, Inc. (Four-L), umpisa subong nga adlaw tubtob Marso 23 sa Iloilo Convention Center.
Magatipon ang mga kababaihan nga mamalidha agud ipakita ang ila kusog kag ang ila kinaiya sa pagtibong sa pungsod padulong sa padayon nga pag-umwad.
Nahibaluan nga si Vice Governor Christine “Tingting” Garin amo ang National President sang Four-L nga ang mga katapo ginalakipan sang mga elected officials gikan sa posisyon nga bise gobernador panaog sa sangguniang bayan member, lakip ang mga ex-officio member.
Ginpabutyag sini nga magatililipon sila agud nga makasugilanon kon ano ang maayo nga buluhaton sang iban nga elected officials nga kababaihan ukon ang ila maayo nga legislation ukon mga nadihon nga ordinansa nga mailog sang iban nga mga LGU.
Higayon man ini suno sa iya nga magkilalahay ang magkatuhay nga mga lady legislators gikan sa iban nga probinsya sa bug-os nga pungsod.
Ginalauman nga magatambong ang kapin sa 400 ka kababaihan nga elected officials.
Kada isa sa ila ang may daku nga kontribusyon sa ila doog paagi sa pagduso sang mga ordinansa nga makabulig sa ila pumuluyo, makahatag sang benepisyo, kag makapasiguro sang tayuyon nga pagamlig sang gobyerno.
Madamo sang mga kababaihan nga may masangkad nga eksperyensya sa panghimanwa kag kaalam sa kon paano makadihon sang maayo nga mga ordinansa nga may direkta nga impact sa ila pumuluyo.
Sa sini, diri naton makita ang ila malum-ok nga kusog, nagasapnay sa mga mahuyang, naga-agubay sa nagakalingkang, kag naga-amlig sa mga ginadaog-daug.
Pas ala mat anna ton ang mga kababaihan, kaangay sang mga katapo sang Four- L, nga nagapangita sang paagi kon paano maserbisyuhan ang mga pumuluyo paagi sa pagpasad sang mapag-on, mapuslanon, kag tawhanon nga sahi sang mga ordinansa sa ila doog nga nahamtangan.
Paagi sa sini nga national summit, mas makaangkon sila sang dugang nga kaalam sa kon paano nila mapasanyog ang ila doog, kon ano pa nga mga ordinansa ang dapat nga ipasar para sa ila pumuluyo, kag kon ano ang mga hilikuton nga dapat il ugo nagudn ga mae ks per yens ya han man sang ila katilingban.
Isa sa ipabugal kag ipakita sa ila ang “Fun, Foodie, Friendly Iloilo” agud ila mahangpan ang pinasahi nga kinaiya sang Iloilo kag agud makita kag personal nga mabatyagan ang pagtin-ad sang Iloilo kon ikumparar sa 10 ka tuig na ang nakalipas.
Ang kusog sang kababaihan kaangay sang nagaynay nga ilig sang tubig nga makapaupod sa daku nga bato. Nagalikaw sa mga sablag agud nga makapadayon sa pag-usoy sa iya direksyon padulong sa iya
pahamtangan.
Ang kusog sang kababaihan wala sa maskulo kundi yara sa ila butkon nga nasapnay sa mga ginakapoy, sa mga mahuyang,
kag sa mga daw mapukan.
An gil a ku sogy ar as a i lab ala ty agonn ga hand a mag pa ki g-away agud map an gap in an angil a kaugalingon, ang ila pamilya kag ila komunidad.
Ang ila kusog yara sa ila paminsaron nga nagapangita sang sol us yon sam ga palaligban, nagapaminsar kon paano ma bat akang ila kahimtangan sa sosyudad, kag kon paano mapasiguro ang masanag nga bwas- damlag.
Pinasahi ang kusog sang kababaihan . ( bertladera@ gmail. com/ PN)