Panagtultuloy ti Martial Law... Kontrobersiya latta!

MANO laengen nga aldaw ti palabsen... agleppasen ti termino (60 days) ti Mindanao Martial Law nga indeklara ni Pres. Duterte. Ti burburtia ken kontrobersiya iti agdama ket no ania ngata ti sumaganad a mapasamak? Agtultuloy pay ngata ti imposisyonna wenno agraduaren? No mapasardeng kas pangarigan... kasanon ti Marawi nangruna no dipay nalpas ti gubat? Kasanon ti gannuat ti gobyerno a mangpulbos kadagiti terorista iti sapasap a Mindanao? Saan laeng a Maute ti grupo a kalaban ti gobyerno. Adu pay dagiti grupo a pagaammon ti amin nga adun ti pinatpatayda. Ti nasakit, patgedanda pay dagiti biktimada. Maysa ditan ti Abu Sayaf agraman BIFF wenno Bangsamoro Islamic Freedom fighters ken dadduma pay. No maisardeng ti martial law, kas kidddaw dagiti kontra... adda pay ngata ngipen ti gobyerno tapno mapulbos dagita a terorista? Saan ngata a pabor kadagiti terorista no maisardeng ti martial law? Agtultuloy manen ti panagpaaduda. Ad-addan a rumikut ti problema. Arasaas: total nairugi met laengen ni Digong ti addang kontra terorismo... itultuloynan agingga iti mariputda.

-o0oHulyo 22... maammuanen no agtultuloy ti martial law wenno maisardeng. Malpaston ti ennemapulo nga aldaw kas sagudayen ti deklarasyon. Adu ti agam-amak no maguped ti narugian a misyon, kunada. Amangan ta bumales kano dagiti napilayan a grupo dagiti terorista. Amangan ta sumakupdanto manen iti sabali pay a siyudad wenno ili. Sabalinto manen a gubat ti mapasamak. Dinton agtalna ti Mindanao. Ti imasna, naipalgak kadagiti limmabas a damag nga adda talaga suporta dagiti dadakkel a grupo ken tattao kadagiti terorista. Nairakurak pay nga adda payen ditoy pagilian dagiti gangannaet a terorista a tumultulong. Kinapudnona, imbulgar ni Turkish Ambassador Esra Cancour nga adda kano maysa a grupo dagiti terorista a Turkish ti addan ditoy Pilipinas. S antisima a babassit ken dadakkel... no pudno ti nakunana, dakkel ti posibilidadna a tumulong dagitoy kadagiti terorista-lokal a lumablaban ita iti gobyerno, saan aya? Manarimaanen ti beripikasyon nga isaysayangkat ti AFP tapno maammuan ti kinapudno iti inrakurak ti ambassador. Masapul ti daras ken umno a beripikasyon tapno mapengdan wenno maunaan ti aniaman a plano dagita a terorista manipud sabali a pagilian. Narigaten nangruna ket uso latta ti kunkunada a PEKE A DAMAG. Saludsod: adda ngata met peke a terorista? Pasarunson a saludsod: adda ngata met peke a martial law? Maryunes!

-o0oIti uneg kano ti kinse-dias... malpasen ti gubat sadiay Marawi. Nagkuna? Ni Pres. Digong. Aya? Ngem guray, pards... Nagdaplis met ni PNP Chief Bato nga uray lima agingga’t sangapulo laengen nga aldaw, nalpasen ti gubat. Aniaaa??? Ket no grabe latta ti binnakbakan dagiti dua a puwersa iti agdama sadiay? Kasanom kano nga iringpas iti uneg ti no mano laeng nga aldaw? Tsk tsk... maymayat koma, kunada... no dida koman mangiyan-anunsiyo iti deadline ti gubat. Ngamin no saan a naipatungpal... mangangada manen. Awanton ti mamati. Kas koma iti benneg ti AFP. Kinunada itay nabiit a didan mangted iti deadline no di ketdi, agsentroda laengen iti annongenda kontra terorista. Malagipko pay ti istorya daydi lolok: uray kano kampilan laeng ti armasda, dida nagamak a simmaranget kadagiti kalabanda a de-pusil. Nia’t napasamak? Ay ket natural, naabak dagiti nagarmas iti badang ken buneng. Ngem no koma ta ti armasda koma kano idi ket kas kapipigsa ti armas dagiti Maute... mayat koma ti laban. Saan ngata a kasta ita ti mapaspasamak idiay Marawi? Amangan ta mas high-tech dagiti ramit ti kalaban ngem ti armas dagiti soldadotayo. Nakasang a kinapudno nangruna no nakashabu pay dagiti terorista. Daplis: matuduan ken mainitan, puyat ken bannog ti sasaaden dagiti government forces... saanda ngata nga aglulupoyen a makirupak. Bastanteda ngata iti bitamina wenno aniaman a pangnayon iti kiredda? Ti imasna, adda la bassit nga atap kontra kadakuada... pagbalinendan a higante ti pammadakes. Nakasaksakit a kinapudno, ngem pudno. Adda dagiti kailiantayo ti agsirsirip ken agsisiim lattan iti pagbiddutan ti gobyerno tapno adda pangikugnalanda iti ngalawngawda. No koma kano ta tumulongda laengen a mangparmek kadagiti kibur ti kagimongan, saan ngata a mas maymayat? Padasenda koma ti mapan met idiay firing line ta ipapasda ti kinatured wenno kinatakrotda, pwe!

-o0oManarimaan ti giyera-Marawi. Adda met dagiti gumidgiddan nga en-enkuwentro iti nagbaetan ti tropa ti gobyerno ken dagiti rebelde. Kas koma ti napasamak a rinnupak iti nagbaetan ti NPA ken military sadiay Brgy. L-S Sarmiento, Laak, Compostela Valley itay kanikatlo nga aldaw. Walo a kameng ti New Peoples Army ken maysa a soldado ti natay. Nagpaut iti arig maysa nga oras ti rinnupak. Babaen iti report ti 10th Infantry Division nga idauluan ni Brig. Gen. Noel Clement... adda naawatda nga intel-report nga adda grupo dagiti NPA ti agpanggep a mangriribuk sadiay Compostela ken kabangibang a disso sadiay Davao region tapno ibabainda kano ni Pres. Digong para iti mapaspasungadan a SONA inton Hulyo 24. Nagtignay a sigida ti military. Immatras dagiti rebelde. Nakasamsam ti military kadagiti high powered nga armas a pakairamanan dagiti M16 ken M-60 Machine gun. Tsk tsk... kasta manen ti napasamak itay nabiit idi immataki dagiti terorista a BIFF ken ASG. Sus maryusep! Kasano a di makaunget ni Pres. Duterte? Maibibusen ti pasensiyana isu a no dadduma, makaisawang kadagiti dakes a sao ken ballaag. Ita, subliantayo manen ti Marawi. Adda posibilidadna nga adda dagiti grupo ti agplanplano a sumrek idiay Marawi tapno tulunganda dagiti makirinrinnupak a Maute. No mapasamak daytoy, dumegdeg ken agpaut pay ti gubat sadiay. Ket no addanto pay sumrek manipud kadagiti terorista a grupo manipud sabali a pagilian... nalpas ti puli! Amangan, kunada, ta agramaram ketdi ti sakupen ti Martial Law... saan laengen nga idiay Mindanao. Maalumiimak nga agpugto, pards. Kumararagtayo laengen ta di koma pumudno.

-o0oSaan

laengen a kontra terorista ti labanan dita lumaud. Kagiddannan ti kontra illegal a droga. Kas nairakuraken kadagiti naglabas... adun a bulto dagiti droga ti nasamsam ti tropa ti gobyerno manipud kadagiti nagdappatan dagiti terorista. Kaawatan a mabalin a dita ti pagtataudan ti buslon ti kuartada a paggatangda iti ramitda. Kas imbutaktak ti maysa a natiliw a terorista nga adda suweldona a nasurok kinse-mil iti binulan kas baro a recruit. Kaawatan a kuarta ken droga ti sammaked dagiti terorista tapno umadu ti puwersada. Dayta nga eksena ti nagpaburek iti dara ni Pres. Digong nangruna idi naibutaktak a nabiag manen ti illegal drug trade idiay New Bilibid Prison (NBP). Iti ungetna, nakunana payen a gumatang kano iti dadael a barko ta ditana nga ilugan dagiti Bilibid inmates a karaman iti illegal a drug trade sananto kano lussoken wenno abutan ti barko agingga’t lumned. Kunana ngarud: “Resurgence of drug trade in Bilibid due to cellphone. Ginagawa tayong gago ng mga kriminal”! Piman met a presidente. Sabagay, nangato latta ti approval ratingsna iti kaudian a survey. Relax lang apo. Masolbarto met laeng dagita a parikut. Dika unay ag-highblood amangan ta no agsakitka, adu ti agpalakpak. Ngek. Adios mi amor, ciao, mabalos! talists, owners of the means of social production and employers of wage labor.

Proletariat refers to the class of modern wage laborers also, having no means of production of their own, are reduced to selling their labor power to live. Society as a whole is divided into two great hostile camps, into two great classes: Bourgeoisie and Proletariat. The Reds believe that the real fruit of their battle lies, not in the immediate result, but in the ever-expanding union of workers. The proletarians have become a class and consequently put up their political party. They are now in Congress. The immediate aim of a Communist is the formation of the proletariat into a class, overthrow of the bourgeois supremacy, and the conquest of the political power by the proletariat.

Is this what President Duterte wants also? Oil will never mix with water. Can the two sides be serious if they do not have the same beliefs? Can we stop this “nonsense conflict” after 50 years? Shall we have another 50 years of “nonsense” conflict” to prove what is really nonsense here? Negros Occidental had been a laboratory of their conflict. The late Bishop Ka Antonio Fortich warned us that we are seated on top of a bubbling volcano. We were visited by Pope John Paul II of Feb. 20, 1981 to tell the “Negros rich” to share so that the “Negros poor” will not become the social enemy. The Reds (in Negros) are asking, “Where are we now? Are the hacienda workers happy with their salaries? How is their living condition? Do they have better houses? Are they able to send their children to school? Are our factory workers receiving the right salary and incentives? Are those working in malls have better working condition?

Are they still victims of contractualization? Are our politicians polite and honest? Is the land reform program religiously implemented? More questions have to be asked. Filipinos (our version of the bourgeoisie and proletariat) should come to argue with open senses on what we really want to happen to our people and society. Our politicians should be serious with their obligations to their people.

President Duterte wants seriousness and the politicians cannot afford to be jokers. They have to show to the President the true colors of seriousness. The Reds have to be sincere also. They cannot claim to be sincere if they do not value what was agreed. It takes first step to reach the finish line. Together, let us build an acceptable era, not just the proletarian era. SSBacolod