Buwan ng wika: mga magulang nagpasiklaban
Ipinagdiwang ng Mababang Paaralan ng Bot-oan, Bot-oan Catlubong, Buguias, Benguet na pinamumunuan ng Punong Guro, G. Onofre D. Limpayos, ang Buwan ng Wika noong ika – 31 ng Agosto, 2017 sa pamamagitan ng isang maikling palatuntunan at masayang paligsahan sa isahang pag-awit sa temang, Filipino: Wikang mapagbago na siyang tema sa taong ito. Ang inanyayahang tagapagsalita ay si Bb. Fevve C. Ket-eng, kanyang sinabi na ang wikang Filipino ay nararagdagan ayon sa pangangailangan. Dumalo si Barangay Kagawad Pilar Domis na nagbigay din ng maikling mensahe na lalong nagpatibay sa palatuntunan.
Ang isahang pag-awit ay may apat na kategorya. Una, kindergarten hanggang ikalawang baitang. Pangalawa, ikatlo hanggang ikaapat na baitang. Pangatlo, ikalima hanggang ikaanim na baitang. Pang- apat, ang kategoryang magulang.
Nakakatuwang panoorin ang mga bata sa kanilang pagpapakita at pagawit sa paligsahan. Mas lalong nakakatuwa ang mga magulang sa kanilang kategorya. Talagang nagpakitang gilas hindi pahuhuli sa kanilang mga anak. Ang mga nanalo sa kategoryang magulang ay sina Gng. Marivic Kikim – una, G. Fermin Pilas Sr. – pangalawa, at Gng. Delia Lucat – pangatlo. Sa kategoryang kindergarten - ikalawang baitang ay sina Ivee Faith Daniel – una, Jessalyn Taynan - pangalawa at Mau Rey carl Telio - pangatlo. Sa ikatlo – ikaapat na baitang ay sina Jelene Flora Limpayos – una, Kolyn Pacio – pangalawa, at Averylle Rhianne Hiblawan – pangatlo. At sa ikalima - ikaanim na baitang ay sina Jermin Shane Pilas – una, Jerecelle Pilas – pangalawa, at Hezzel Engosan – bilang pangatlo. Ang mga nanalo ay tumanggap ng simpleng regalo mula sa Filipino coordinator.
By Rossela Buansi Bacasen