Karit ti ASEAN summit .... nagabsuon !!!!
KALPASAN iti no mano nga aldaw...nagleppas met laengen ti Asean Summit a naangay ditoy pagilian. Adu ti imbatina a kari. Ngem kangrunaan ti amin...ginabsuon ti imbatina a KARIT. Ngem sakbay kadagita a karit...intay man lagipen dagiti paspasamak a mabalin a makuna a medyo mantsa iti nakuna a taripnong a tinabunuan dagiti agkakangato a turayen dagiti nagduduma a nasyon ti lubong nangruna iti Asya. Adtoy ti lagip ti napalabas:
-o0oSakbay iti Asean Summit .... naangay nga immuna sadiay Vietnam ti Apec Summit a tinabunnuan dagiti lideres ti lubong nangruna iti Asya. Napan dita ni Pres. Duterte. Ditada a nagsarak ken nagsarita kenni US Pres. Donald Trump ken dadduma pay a dadauluen ti lubong. Kayatna a sawen...naglalamanodan sadiay sakbay a nagiinabrasada manen ditoy pagilian babaen iti Asean Summit. Iti tallo nga aldaw nga inda panagtataripnong, makuna a balligi. Adu dagiti bunga ti saritaan dagitoy a lideres nangruna iti pagrang-ayan, kontra terorismo, kontra droga, human rights, pa-empleo ken trato kadagiti OFWs ken adu pay. Ngem kangrunaan iti amin, nagkaykaysa dagiti nasyon a tumulong iti rehab ti Marawi. Dakkel a kantedad ti tulongda iti ibabangon manen ti Marawi a sinudek ti gubat. Manipud iti rugi ti taripnong agingga iti nagleppas, sangsangkamaysa dagiti delegados a nagyaman, nagraem ken napnek iti panangsarabo ti Pilipinas kadakuada. Iti pakabuklan...natalna ken balligi ti taripnong.
-o0oIdi nangrugin ti summit...iti likud ti nabara a rinnisiris iti kapanunotan dagiti delegados para iti pagimbagan ti rehiyon .... gimmiddan met ti ikkis dagiti militante iti protestada. Kangrunaan a ramen ti protesta ket ti kaadda ni US President Trump. Kas gagangay...adda dagiti nasaktan iti agsumbangir a benneg (otoridad ken rallyists). Ngem iti pakabuklanna .... makuna a natalna, kas panangtimbang ti PNP. Maysa kadagiti tinagiuray ti kaadduan ket ti takder dagiti opisyales ti Asean panggep iti mapaspasamak iti West Philippine Sea. Pagaammo ti kaadduan a saan laeng a Pilipinas ti claimant iti nakuna a disso. Saksi iti dayta a tallaong ti pannakabagi ti China. Ngem agingga idi duada laengen kenni Digong ti nagsango ken nagsarita...saan a nairaman iti inda tinalantan ti parikut iti teritoryo. Dagiti plano ketdi ti China a tulong para iti rehab ti Marawi ti ad-adu a napagsaritaan. Uray kadagiti bilateral summit ni Pres. Duterte kadagiti dauluen ti nagduduma a nasyon...nalisian ti isyu ti teritoryo. Sabagay, nalawag ken nabatad ti takder ti US a rumbeng koma pagkaykaysaanda a punasen ti parikut a mabalin a pagtaudan ti riribuk iti Asya kas koma iti kinaadda ti nuclear weapons ti North Korea. Nagkaykaysada (Asean leaders) a maikkan daytoy iti prioridad tapno di dumegdeg ti parikut. Sapay koma.
-o0oBinilyonen a pirak dagiti naikari (manipud Asean leaders) a donasyonda para iti ibabangon manen ti Marawi. Ngem babaen iti bimmato a pangeddeng...deretsaan nga impetteng ni Pres. Duterte kenni European Union Council President Donald Tusk a saanna a kasapulan ti aniaman a tulong ti EU uray pay kano agsida iti tuyo ken innapuy laeng dagiti Pilipino. Idi nagsango dagiti dua a lider...inulit ni Digong ti immunan a pangeddengna a dinto umawat iti aniaman a tulong manipud EU. “Forget it. We will survive, even if we have to eat dried fish and rice, we will survive. Just don’t F*** with my country about sovereignty. That is really an insult. I consider it as a very serious insult.” Inlawlawag ni Pres. Duterte a dinto umawat iti aniaman a tulong nga addaan kondisyon. Malagip a binasnutan ni Digong ti EU gapu iti agtultuloy a kritisismoda iti drug war ti gobyerno. Innayon pay ni Digong: