Giyera ditoy ‘Pinas .... adu pay!!!
GMarawi...adunIYERA ditoy pagilian, kunada...adu pay! Sakbay iti giyera wenno gubat sadiay a giyera ti napaspasamak ditoy pagilian. Ilaksidtayon dagiti gubat sipud pay ubing pay ti Pilipinas. Intay laengen irugi ti agbilang iti gubat iti makabaruananen a panawen. Saggaysaentayo a biding-bidingen ken amirisen:
-o0o- Praktikal a giyera ket kadagiti agkakabagyan nga agiinnagaw iti tawid a daga ken sanikua. Adun dagiti nagdidinnarum ken nagpipinntay gapu iti giyera wenno apada iti daga wenno sanikua. Imbes koma a mapagsasaritaan iti natalna a wagas, saan a puros dinnarasudos gapu iti pudot ti ulo ken ababa a sentron. Napukawen tay tawidtayo a pasensiya ken panagpakumbaba. Kinagamruden ti agar-ari. Sileng ti pirak ti timon ti amin ken ti panagin-aari. Tay kukuana aminen a makitana. Dita nga agrusing ti susik a mangitonda iti giyera patani, kunada. Gapu ta saan a mapnek iti bingayna manipud iti naipatawid...mangimulan daytoy iti sakit ti nakem. Inton nagrusing ket nagbunga dayta a sakit ti nemnem...namnamaem, pards, gubat ti sumaruno. Malipatandan ti pagkikinnabagyan ken pagkakadaraan. Dayta ti gapuna no apay nga adda gubat dagiti agkakapuli.
-o0oNo intay ilawlawa ti sakup dayta a gubat ti puli...awan ti dumanan iti panagsususik dagiti umili iti sangkapirgis a mapa ti Pilipinas. Dita a bimtak ti gubat ti gobyerno kontra kadagiti rebelde ken terorista ken adu pay a grupo dagiti kriminal iti kagimongan. Lagipentayo laengen ti napasamak idi sadiay Mamasapano, Maguindanao. Dita a napapatay ti SAF 44 nga agpapan ita ket hustisya pay laeng ti matagtagiuray. Ti napasamak sadiay Ampatuan, Maguindanao a nakatayan met iti 58 katao pakairamanan ti nasurok tallupulo a mediamen. Awan dumanan dagita a lagip iti gubat iti lumaud. Ti kaibatoganna ket .... agtultuloy dagita a gubat agingga’t adda pay laeng dagiti akin-aramid kadagita a krimen. Agingga a di maparmek dagiti agisaysayangkat kadagiti nakaam-ames a krimen, agtultuloy latta ti gubat wenno giyera. Ti nasakit, bukodtayo a kadaraan dagiti matmatay. Biag ti katukadna kadagiti otoridad ken sibilyan tunggal mapasamak ti ranget iti sadinoman a paset ti pagilian. Iti ababa a pannao: dinto maungpot dagiti gubat gapu iti saan a pagkikinnaawatan. -o0oWar on Drugs...wenno giyera kontra droga...ad-adda a naipinget idi nagtugaw ni Pres. Duterte. Maysa dayta kadagiti inkarina idi kampanya. Impatungpalna apaman a nagakem. Naballigi ti nakuna nga addang. Adu ti naibulgar a ramut ken panagraira ti droga ditoy pagilian. Naammuan a rinibu gayam dagiti apektado a biktima ti droga ken riniwriw met dagiti maatap nga adda iti likud. Adu ti naipatli. Ket gapu iti basnot dagiti di makaawat iti nakuna a kampanya ken nagatap nga addan panaglablabes iti annuongen kontra droga .... naipasardeng ti Oplan Tokhang. Naipaiman iti PDEA ti akem iti nakuna a giyera kontra droga. Natural, adu ti nagkuna nga iti kasta a napasamak, napanuynuyan manen dagiti pasurot ti droga. Napalukayan ti riyenda iti negosyoda nga illegal. In short: balik normal kano manen ti panagraira ti droga iti kagimongan gapu awanen ti kinabutengda nga Oplan Tokhang ti PNP. Ngem itay laeng nabiit, gapu kadagiti reports a maaw-awat ti kapulisan panggep iti kasla panagsubli manen ti raira ti droga ditoy pagilian .... maripripirip a kasla adda plano a mabalin a maisubli ti Oplan Tokhang. Di laeng ammo no kaano ken kasano a maipatungpal ti Tokhang part 2 no addanto man.
-o0oIdi napasamak ti gubat sadiay Marawi .... dita a naduptalan dagiti pannakabagi ti linteg a saan laeng gayam a gubat kontra terorista ti nakuna a giyera no di ketdi gimmidanen ti gubat kontra droga. Daytoy ket gapu iti pammaneknek nga agar-aramat iti droga dagiti karanget ti puwersa