Buguias District nagdiwang ng Buwan ng Wika
BUGUIAS, Benguet – Sa temang “Filipino: Wika ng Saliksik” ay idinaos ang Tagisan ng Talino sa mga mag-aaral sa elementarya sa distrito ng Buguias sa Loo, Elemenary School ,Agosto 28.
Kaugnay ng taunang pagdiriwang ng Buwan ng Wikang Pambansa nagkaroon ng patimpalak sa Madulang pagkukuwento na may apat na kalahok sa kategoray A na kinbibilangan ng mag aaral mula 4,5,6 at Graded SPED ; kategorya B ng mga mag aaral na may kapansanan sa paningin at Sulat Bigkas na may isang kalahok.
Nagwagi ang apat na mag aaral ng Sagandoy Elementary School sa kategoryang B sa Madulang Pagkukuwento o mga batang may kapansanan sa paningin na kinabibilangan nina Zharlen Vanness Ladey, Rachel Bigo, Raffy Libag at Jessa Etong . Sa patnubay ng kanilang guro na si Gng. Delia Sumakey at si Gng. Esther Rizaldo bagong punong guro ng paaralan.Nanalo rin ang mga mag aaral ng Bano-oy Elementary School sa Kategoryang A ng madulang Pagkukuwento. Ang Natokyab Elementary School naman ang nanguna sa pwesto sa Sulat Bigkas ng tula (SULKAS Tula) . Ang nasabing patimpalak ay dinaluhan ng ibat ibang paaralan ng Elementarya ng Buguias.
Ang mga nagwagi ay nagkamit ng katibayan ng pagkakilanlan. Ang mga nagwaging mga mag aaral ay kakatawan sa Buguias District sa pandibisyong Tagisan ng Talento sa Agosto 31 sa Benguet State University.
Ang mga nabanggit na paligsahan ay isa lamang sa mga gawain na isinagawa sa pagdiriwang ng Buwan ng wika.Ang bawat paaralan ay hinikayat na nagsagawa ng mga makabuluhang pagdiriwang sa kanilang antas na patnubay ng Linguhang tema na nakasaad sa memorandum.
Ang palatuntunang idinaos ay ayon sa Pandibisyong memorandum blg.185,s.2018. Ang pagdiriwang ng Buwan ng Wikang Pambansa ay pinangungunahan lagi ng Komisyon sa Wikang Filipino (KWF). Ang selebrasyon ng Buwan ng Wikang Pambansa ngayong 2018 ay nakaangkla sa pagpapalakas ng pagpapanatili ng wika sa larangan ng pananaliksik.