Misconduct at the Capitol

(The letter is addressed to SunStar Cebu columnist Bobby Nalzaro) A ko usa ka yanong Cebuano ug tigsunod sa imong pamantalaan sa SunStar dinhi sa Sugbo. Nakabasa ko sa imong gisulat nga “Corruption, Immorality at the Capitol” dated December 6, 2017 ug timing pod nga niadtong pag Dec. 8, 2017, nakahigayon ko pagbisita sa maong government office aron mo- avail og medical assistance kabahin sa akong amahan nga n- admit sa Vicente Sotto Memorial Medical Center.

Nianang adlawa, mentras gi- interview ko sa usa ka empleyado sa maong opisina, dihay tulo ka laing mga empleyado nga nagkomedyahay. Ang usa nangutana sa kauban niya nga empleyado ngano nga nagsige saiya’g panguha sa ilang supply nga bond papers nga gamitonon sa opisina kay dali ra kining nahurot. Ang usa ka empleyado nagkanayon: “Adto ka reklamo sa atong department head kay kini iyang pagbuot nga gamiton ang supply sa opisina sa iyang personal. Igo ra ko gisugo niya’g pa- print sa iyang gipahimo nako nga libro niya sa masteral.” Ang usa ka laing empleyado na- shock ug nisumpay, “Ha? Nagkuha diay si Ma’am og masteral? Unya ikaw ang gipahimo niya sa iyang libro? Ngiga gyud nimo Day uy. Brayta gud nimo. Hayahaya sa atong amo sa? Naa may tighimo niya og libro.”

Nakuratan ko sa akong nadungog. Natingala ko nga pwede ra diay na magpahimo ka og buluhatong personal sa imong isig ka empleyado sulod sa official time? Wala pa baya to mag alas-5 sa hapon.

Ug yano rang gigamit ang supply sa gobyerno sama sa mga papel, ink sa printer o kuryente para sa personal nga gamit sugo sa ilang department head. Apil pa ba diay ni nga pribiliheyo kung ikaw nagtrabaho sa gobyerno? Nangutana lang.--