UPDATING…
EILEEN JANE M. GARCIA
Ilang beses ka na bang nagpali tng profile pix sa facebook? Ilang beses kang nag-upload ng mga pictures mo sa instagram? Ilang beses mo na bang sinearch ang mga profile accounts ng mga beshies mo? Ilang beses na nga ba?
Siguro marahil,halos araw- araw nating nagagawayan, walang labis, walang kulang. Pero bilang isang pinagkukunan ng kaalaman ng mga mag- aaral, na update mo na ba ang iyong kaalaman?
Isa sa ating mga armas bilang mga guro upang maging isang 21st century children ang ating mga pinaglilingkuran ay ang pagkakaroon ng kaalamang pang 21st century din. Hindi mo maibibigay ang wala ka,hindi ba, mga kaguro? So, sa paanong paraan ka magkakaroon?
Ang pagpapaunlad sa kaalaman tulad ng pag- eenrol sa graduate school ay isang napakalaking hakbang upang lalong mahasa at maihanda ang ating mga sarili sa mga makabago at napapanahong mga stratehiya at technique sa pagtuturo. Dahil din dito, lagi tayong napapaalalahanan sa mga tungkulin at responsibilidad bilang manghuhubog ng mga bata na dapat nating isapuso, isaisip at isagawa.
Ang paglahok sa mga seminar workshop ay isa ring napakalaking dagdag kahusayan. Nagkakaroon pa tayong pagkakataong makasalamuha ang mga guro sa iba’tibang lugar na siyang magbibigay ng mga aral sa atin mula sa kanilang mga eksperiyensya. Pagbabasa sa mga blogs sa internet tungkol sa edukasyon ay makatutulong din.
At higit sa lahat, lagi nating isipin na isa tayong instrument na ginawa ng Diyos upang hubugin at linangin ang mga mag-aaral para sa kanilang magandang kinabukasan kaya huwag tayong tumigil sa pag- iisip ng mga paraan upang makasabay tayo sa mabilis na agos ng pagbabago. — oOo— The author is Teacher III at Baliti Elementary School, Arayat West Di st r i ct