Mga opisyales ng barangay maaaring kasuhan — DILG

Ipinahayag ulit ni Department of Interior and Local Government (DILG) Undersecretary Martin Dino na maaari nitong kasuhan ang mga barangay official na hindi tutulong sa pagsugpo ng illegal drugs sa kanilang area of responsibility.

Ito’y bunsod sa kampanya ni Pangulong Rodrigo Duterte laban sa lumalalang problema sa bansa.

Ayon sa pahayag ni Dino, kailangan magsumite ng mga drug personality ang mga opisyales ng barangay sa kanilang nasasakupan.

Dahil, ayon sa kanyang, pahayag, ang mga opisyales ng barangay ang nakakaalam sa kanyang nakatira sa kanilang nasasakupan kung sino ang kanilang pinaghahanalaang sangkot sa droga.

Totoo naman ang ipinahayag ni Dino, ayon sa kausap ng Dateline na isang miyembro ng drug enforcement unit, ang mga opisyales ng barangay ang nakakakilala kung sino kanyang barangaymate nasasangkot sa droga.

Sila mismo ang nakakaalam kung ano ang trabaho o ginagawa ng kanilang barangaymate, ayon pa sa DEU member.

Madaling maaaresto ang mga drug personality kung makikipagtulungan ang mga opisyales ng barangay, ayon pa sa DEU member.

Binigyan umano ng ilang buwan ni Usec Dino ang mga opisyales ng barangay na listahan ng mga sangkot sa illegal drugs sa kanilang area of responsibility.

Kapag di makikipagtulungan ang mga opisyales ng barangay sila’y umano kakasuhan.

Ang tanong kaya ba gawin ng mga opisyales ng barangay ang kautusan ni Dino e nalalapit na ang barangay elections?