SINING NING PAMANURU

Bilang simpleng talaturu, at pilang banua na king propesyun ayni, asabi ku na ing pamanuru metung yang “Sining” na dapat dinan pagpapahulaga.

Keng makananung paralan adinan kabaldugan ing pamanuru na ning metung a talaturu? Muna, dapat abalu na ning talaturu na iya ing peka mahulagang saup king kabyasnan na ning metung a disipulu. Uling ing pamanuru metung yang sining a mitatak king malikut a imahinasyun ning metung a magaral, nya bilang maestro, ing pamanuru eya biru-biru, nune dapat mung dinan panaun ing pamagaral king liksyun, banta ing peka mainam a istratehiya yang gamitan at tune na ing pamagaral maging kapakipakinabang, at ing pamanuru magi yang kasiya- siya na alang kapagalan.

Kadwa, dapat ng abalu na ing tuturu na, makasaup king magaral at agamit na ini king aldo aldong ng kabyanan. Na king bie nanu mang sitwasyun agyu ng bitbitan ning kayanakan banta nanuman ing amun ning bie eya sumuku, dapot patuluy yang talan maigpit king sitwasyun at e dapat tatabili king kapaksubukan, uling nanuman ing abalu na, eya tabili at ena kalingwan ing amanung kinintal king isip at pusu na.

Nanu man ing amanung miyapse dapat namung tandanan ning metung a disipulu, biasing makiramdam at sulitan ing bawat oras a bibye ning talaturu, uling kayari ning patingapun, alang aliwang makinabang nung aliwa ing kayanakan, para murin king kayang kinabukasan.

The author is Teacher

— oOo—

III at Pampanga High School