MADADAAN SA MATINONG USAPAN

ROLLY R. DE LEON

Marami-rami na rin akong nahawakang kaso ng mga estudyante na sangkot sa misbehaviour acts. Marami sa mga estudyanteng ito ay galing sa mga tinatawag na broken families, ang iba naman ay may magulang nga pero hindi naman bukas ang komunikasyon ng mga magulang sa kanila. Nakita ko na rin ang mga misbehaving na estudyante kung paano sila umiyak at humagulgol, kung paano nila dagukan ang kanilang sarili upang mailabas lang ang sakit ng loob na kanilang nararamdaman. Ngunit sa kabila ng lahat na ito ay nangingibabaw pa rin ang mahinang parte ng kanilang pagkatao. Nais nilang malaman kung saan sila nagkamali at kung paano nila iwawasto ang kanilang nagawa.

Naisip ko na ang mga bata sa musmos nilang pag-iisip ay kung madalas napagkakaitang magsalita at magpahayag ng kanilang nararamdaman. Subalit may mga tao na hindi pa rin bukas ang taingan sa pakikinig sa boses ng mahihina gaya ng mga bata.

Nasasabi ko na ang mga bata ay maayos na makakasalamuha sa mga nakakatanda kung mismong ang mga nakakatanda ang magbibigay ng nararapat na puwesto para sa mga bata. Ang ibig kong sabihin ay magkakaroon ng mabunga at mabuting usapan ang nakakatanda at mga bata kung nakikita ng huling nabanggit ang mabuting intensiyon.

— oOo—

The author is SST II at Basa Air Base National High School