ITANONG MO SA MGA BATA

Ibang-iba na nga ngayon ang panahon kay dami ng pagbabago, parang lahat ngayon “INSTANT” na ang daling magluto ng makakain, ang daling makapamili, kahit nasa bahay kalang sa pamamagitan ng internet makakapamili kana.

Kasabay din sa pagbabago ay ang ating mga kabataan; dati halos wala silang boses sa ating lipunan maging sa ating mga tahanan. Pero ngayon ang laki ng papel na kanilang ginagampanan dahil ang mga matatanda na ang laging nagtatanong sa mga kabataan. COMPUTER AGE ika nga ng iba na kung saan nakakasabay itong ating mga kabataan. Bihasa sila sa mga ibat-ibang GADGET na kung gusto mong magtanong tungkol dito ay parang sila lang ang makakasagot.

Kailangan na nating pagkatiwalaan ang ating mga kabataan kahit madalas ay naguguluhan tayo sa kanilang mga gawi at gusto.

Kailangan nating tanggapin na tunay ngang may malaki ng pagbabago ngayon dahil sa pag usbong ng makabagong mga teknolohiya. Ang ating mga kabataan ay nakakasabay sa mga pagbabagong ito dahil sa kanilang henerasyon na kasabay itong mabilis na pagbabago.

Pakinggan natin ang kanilang mga saloobin at mga kadahilanan dahil sa ayaw man natin o gusto ang realidad marami na silang alam sa ating makabagong panahon. Kaya hwag mag-atubiling magtanong sa mga kabataan.

--oOo—The author is SST-II at Basa Air Base National High School