Pagbalasa sa mga hepe inaasahan ba?
Kapag bago ang upong police provincial director, inaasahan na ang gagawin nitong pagbalasa sa kanyang mga hepe.
Naging policy na ito, sa Philippine National Police (PNP) na kung saan kapag pinalitan na ang nakaupong police provincial director otomatik na papalitan nito ang ibang mga hepe.
Sang-ayon sa Intelligence Officer (IO) ng Dateline, sa ngayon dahil officer-in-charge pa lamang si Senior Superintendent Nicolas Salvador ng Pampanga Provincial Office hindi pa ito makapagbalasa ng kanyang mga hepe.
Nguni’t, ayon sa IO, kapag naging acting police provincial director, inaasahan na ang gagawin pagbalasa nito.
Hindi na bago ang ganitong pagbalasa kapag bago na ang Police provincial director, ayon sa IO.
Sang-ayon sa isang senior police officer, dapat lamang tignan ng bagong upo ang mga accomplishment ng isang hepe.
At dapat din tignan iyong mga crime incident sa kanyang area of responsibility kung tumaas nang siya’y naging hepe ng isang bayan.
At kung iyong crime incidents sa kanyang area of responsibility ay naresolba nito o hindi.
Ito dapat ang batayan ng isang bagong upong provincial director kung siya’y (hepe) kailangan itong masibak sa kanyang puwesto, ayon sa senior police officer.
At kapag may tatlong beses na nangyayaring krimen sa kanyang area dapat na rin itong masibak sa puwesto, ayon pa senior police officer.
Sa mga hepe ng Pampanga, marami dito (mga hepe) tumaas ang crime incidents sa kanilang area of responsibility at dapat lamang na sibakin sa kanilang puwesto ni Sr. Supt. Nicolas Salvador.
Abangan po natin ang ipatutupad na pagbalasa ni Sr. Supt. Salvador…