KALAGAYAN
ROSALINA M. VILLAFLOR
Kumusta ang ating lipunan? Ano na nga ba ang bagong nakakagawian? At bakit daw ba tayo ay nagiging mababaw?
Marami sa atin ay mga bago at marami rin sa atin ang nakakapanibago, ngunit hindi natin maitatangi na marami sa ating mga Pilipino ay wala ng disiplina, madalas nawawala na ang pagiging tapat sa ibang taong nakakasalamuha sa araw-araw. Dahil doon humahantong ito sa pagiging arogante at mapagmataas sa sarili at hindi nagpapatalo ng isang tao na nakakapagdulot ng malaking kaguluhan at hindi pagkakaunawaan sa ating lipunan.
Sinasabi na ang mga Pilipino ngayon ay wala ng pakialam at hindi marunong sumunod sa kung ano na ba ang mas makabubuti sa kanila. May mga Pilipinong walang pakialam na ang inaatupag kundi mamili ng kung anu-ano o gumagasta ng malaking pera kahit di naman kinakailangan. Natutukso sa mga magagandang bagay o palamuti na nakagaganda sa katawan at may taong piniling laging ginagawa ang pakikipagtsismisan kahit saan, kahit kaninuman. Meron din mapanghusga at nanlalait ng puri at repustasyon ng iba at nagkakalat pa ng mga kwentong walang basehan na nanggaling lamang sa katha at mapaglarong kaisipan. Kaya dahil doon nahuhusgahan ang ating tunay na pagkakakilanlan.
Marapat na tayo ay magsuri muna at patunayan kung ano ba an gating sarili o hanapin ang ating tunay na pagkakakilanlan upang tayo ay hindi na mahuhusgahan at maliitin ng iba. Kinakailangan din muna nating magsiyasat o mag-obserba sa ating kapaligiran upang maiwasan natin ang mga bagaybagay na hindi naman talaga karapat-dapat at kung ano ang makasisira para sa ating kapwa.
Bilang isang mamamayang Pilipino para maipakita natin ang ating tunay na katangian dapat nating isaalang-alang ang tunay na estado o KALAGAYAN ng ating buhay.
— oOo—
The author is Teacher at III Bacolor High School