MAARING SUBUKAN
AMAPOLA MADERAS-FERNANDEZ
Ang classroom management ay mga mahusay na pamamaraan, na ginagamit ng isang guro upang mapamahalaaan ang mga gawain at kilos ng kaniyang mga mag-aaral. Ang epektibong “classroom management” ay lumilikha ng isang kaaya-ayang pagkakataon upang makapagturo ng mahusay ang guro at makapakinig ng buong linaw ang mag- aaral. Narito ang ilang mga halimbawa na upang magkaroon ng mabisang “classroom m an agem en t ”:
1. Habang nagtuturo ang isang guro, hindi maiiwasan na magambala ang pokus ng mga mag-aaral. Maaring may ibang bagay silang pagkakaabalahan katulad ng pagsusulat salikuran ng kanilang notebook, paglipad ng isip, o kung minsan ay ang pag-uusap o paglalaro sa gitna ng klase. Ito ay karaniwan na lalo na sa mga mababang baiting. Kung kaya naman, kapag nasumpungan ito ng isang guro, maari siyang magturo mula sa likurang bahagi, o magturo malapit sa tabi ng mag-aaral. Ito ay magbibigay hudyat sa mag-aaral na dapat niyang itigil o magpokus sa klase.
2. Sa kabila ng pagpupurisiging ito, kung hindi pa rin napigilan ang mag-aaral sa pakikipag-usap o pakikipaglaro sa kaklase, maari silang kausapin sa pasilyo. Maari sila tanungin, May problema ba?”
3. Maari ring magpaskil ng karatula ng mga “Panuntunan sa loob ng Silid- Aralan”. Ang ganitong hakbang ay nagsisilbing paalala sa mga mag-aaral ng mga panuntunan na nais ng guro na ipatupad sa loob ng silid. Sa ganito ding paaran ay maaing magpaalalahanan ang mga magkakamag-aral ng mga itinatag na alintuntunin. Sa mga pagkakataon na hindi nakasunod sa alintuntunin ang mga mag-aaral ay maaring magpaalala ang guro sa mga dapat nitong gawin.
4. Natural sa mga mag-aaral ang maging bata. Natural din sa mga kabataan ang maging mausisa at madaling mawalan ng pokus. Ang pagiging aktibo ng mga gawain sa loob ng silid-aralan ay makakapagpasigla sa partisipasyon ng mag-aaral.
Kapag ang isang silid ay nagkaroon ng matibay na “classroom management’ lubusang makokontrol ng guro ang kilos at pag-uugali ng kaniyang mga mag-aaral. Makakatitiyak din na ang mga mag-aaral ay lubusang nakikinig at may pokus sa kanilang mga aralin na magreresulta sa lubusang pagkaunawa.
The author is Master Teacher Mabalacat City
— oOo—
I at Doña Asuncion Lee Integrated School,
Xevera, Tabun,