‘AKO AY HANDA, IKAW?’

NANCY M. FERNANDEZ

Ang kalamidad ay sakunang hindi natin mapipigilan na mula sa kalikasan. Hindi natin ito makokontrol at ito ay kadalasang nakakapinsala. Nagdudulot ito ng malaking pinsalasa ating kapaligiran, ari-arian, kalusugan at buhay ng mga mamamayan sa Lipunan.

Ang Pilipinas,kung ating tatayain ay nakapaloob sa “Pacific Ring of Fire”, “Typhoon Belt” at ito’y nakapagitna pa sa dalawang “Tectonic Plates” na Eurasian at Pacific Plate. Dahil dito ay mas malaki ang posibilidad na magkaroon ng Bagyo na nagdudulot ng pagbaha, Lindol, Pagputok ng Bulkan, Pagguho ng Lupa, Daluyong (storm surge) at Tsunami.

Isa sa mga ahensiya ng pamahalaan na tumutulong sa pangangalaga ng ating kalikasan ay ang Department of Environment and Natural Resources(DENR). Gumawa sila ng Geohazard Map upang matukoy ang mga lugar na madaling tamaan ng mga sakuna o kalamidad. Layunin nito n amabigyan ng impormasyon ang mga tao sa mga lugar na may mataas na antas ng peligro upang mabawasan ang mas malalang epekto ng mgasakuna.

Maraming mga Gawain ang nagiging dahilan kung bakit nagdudulot o nagpapalala sa mga sakunang ating nararanasan saa tingbansa. Isa na ditto ang pagtatapon ng basura sa mga daluyan ng tubig at kung saan-saan, walang tigil na pagkakalbo sa mga kagubatan (deforestation), at illegal na pagmimina.

Kaya tayong mga Pilipino ay dapat Maalam, Mapagmasid, Matalino at Maging lagging handa sa iba’t ibang uri ng Kalamidad. Sa banta ng mgasakuna ay dapat lagi tayong “Alisto” at “Updated” sa mga nagaganap sa ating kapaligiran. Gawing gawain,ang palaging pakikinig sa radyo at panonood ng balita para sa mga impormasyon na kailangan nating malaman ukol sa kalagayan ng ating kapaligiran.

“Kumilos” habang di pa huli ang lahat, “prevention is better than cure” kahit na ang kalamidad ay mula sa kalikasan, hindi natin maitatanggi na nakakaapekto pa rin ang atingmga kilos sa ating kapaligiran. Ang ugaling magtapon ng basura sa tamang tapunan ay napakahalaga para maiwasan ang pagbaha lalo na at karamihan sa mga basurang ito ang nagiging dahilan ng mga pagbaha sa ating mga estero. Magtanim ng mga puno o halaman (reforestation); ang mga punong ito ay maraming benepisyo sa atin, makakasipsip ito ng tubig tuwing umuulan, at makakatulong din ito upang maiwasan ang pagguho ng lupa. Bilang tagapangasiwa ng ating kalikasan, dapat tayong matuto na ingatan at alagaan ito, dahil maaaring ang mga kalamidad na ating nararanasan ay ang paghingi ng tulong ng “Inang Kalikasan”

Sa ORAS ng sakuna, dahil hindi nga natin ito maiiwasan, ay dapat manatili tayong kalmado upang maging malinaw ang atingpagiisip at hindi tayo makagawa ng maling hakbang. At sa lahat ng ito,dapat tayo ay HANDA. Bago pa tayo tamaan ng mga kalamidad ay dapat alam na natin ang gagawin sakali man na magkaroon ng sakuna. Makisali sa mga proyekto ng ating barangay sa paglilinis ng mga estero at makibahagi sa mga iba’t ibang uri ng drills na ginagawa sa mga barangay, paaralan at opisina. Dapat na maging handa ang ating mga gamit lalo na ang“First Aid Kit”. Alamin ang mga evacuation areas at contact number ng mga pamilya pati na rin ang mga emergency hotline ng mga ahensiya ng ating pamahalaan. Maging handa salahat ng pagkakataon, para kapahamakan ay maiwasan.

Ang buhay ay minsan lamang, kaligtasan ng bawat isa ay mahalaga.

Ikaw at ako ay may pananagutan sa ating “Inang Kalikasan” Sa banta ng iba’t ibang uri ng kalamidad “Maghanda para sa Kinabukasan.” Ako ay handa na, ikaw handa ka na ba?

— oOo—

The author is Teacher II at Pampanga High School