BUHAY GURO
MA. JOCELYN D. VERGARA
Sinasabing ang pagtuturo ay isang marangal na propesyon dahil hindi biro ang ginagawang sakripisyo ng mga guro para lamang sa ika tututo ng mga mag-aaral.
Ang isang guro sa kanyang silid-aralan ay hindi lamang nagtatapos sa pisara at yeso. Sila ay patuloy na naghahanap ng iba’t-ibang paraan upang ang kanilang mga pagtuturo ay maging epektibo at madaling matututunan ng kanilang mga mag-aaral.
Bagamat nakalulungkot na ang mga kagamitang binibigay ng pamahalaan ay hindi sapat para sakanilang pagtuturo sila ay naglalaan ng sarili nilang salapi upang makagawa at magkaroon ng angkop nakagamitan sa kanilang pang-araw-araw na aralin.
Sila ay gumagamit ng mga makabagong teknolohiya sa pagtuturo gaya ng laptop, telebisyon,projector atbp. para mas maging kaingga-inganyo para sa mga mag-aaral.
Nakalulungkot ding isipin na ang ilan sa ating mga guro ay nagsisipag-alisan na at naghahanapbuhay sa ibang bansa dahil sa mababang sahod at sa mga karagdagang trabaho na inaatas sa kanila.
Mahirap ang maging isang guro, subalit dahil sa sinumpaang tungkulin, ito ay pilit na kakayanin hindi lamang para sa kinabukasan ng bawat bata pati narin sa ikauunlad ng ating bayan.
Isa akong guro,ito’y ipinagmamalaki ko. Patuloy na maglilingkod para sa bata at para sa bayan ko.
— oOo—
The author is Teacher III at Caniogan Elementary School Caniogan, Calumpit, Bulacan, Calumpit South District