BUWAN NG AGOSTO, BUWAN NG WIKANG FILIPINO
MA. JOCELYN D. VERGARA
“Ang hindi magmahal sa sariling wika ay higit sa hayop at malansang isda”. Ito ang tanyag na kataga na sinambit ng ating pambansang bayani na si Gat. Jose Rizal na nagbibigay halaga sa ating wika. Ang wika ay mahalaga sa bawat isa sa atin. Ito ay naging inspirasyon na kataga at nagbigay ng mahalagang aral tungkol sa pagpapahalaga at pagmamahal ng sariling wika.
Dahil sa mga katagang pinamana satin ni Gat. Jose Rizal. Ito ay pinagpatuloy ni Manuel L. Quezon, ang Ama ng Wikang Pambansa. Siya ang nagpasimulang maghubog ng Wikang Pambansa ng Wikang Filipino. Dito sa ating bansa marami tayong iba’t-ibang wika na binibigkas katulad ng Tagalog, Cebuano, Boholano, Ilocano,Kapampangan at iba pa.
Sinasabing hindi naging madali para sa gobyerno ang pagpili at magtalaga nang sariling Wika sapagkat ito ay maselang usapin ngunit sa huli nakapagdesisyon na ang mga tao at ang gobyerno na ang ating magiging Wikang Pambansa ay ang Wikang Filipino.
Tuwing buwan ng Agosto ating ipinagdiriwang ang Wikang Filipino. Ang lahat ng mamamayang Pilipino ay nakikiisa sa taunang pagdiriwang nito. Ang mga paaralan, pamahalaan at kahit na mga pribadong sector ay patuloy na nakikiisa sa taunang pagdiriwang ng Buwan ng Wika.
Iba’t-ibang klaseng pagdiriwang ang ginagawa ng mga tao ,mayroong mga patimpalak sa tula, paggawa ng sanaysay, pagsayaw ng mga “Folk Dance”, pag-awit at iba pa.
Sa mga paaralan nalalaman natin ang kalahagahan ng mga bagaybagay isa narito ang wikang Pambansa.
Ang wika ay isang paraan ng kominikasyon. Dahil dito nagkakaintindihan ang lahat ng tao. Kahit na mayroon tayong iba’ibang wika tayo ay nagkakaintindihan dahil sa iisang wika na ating sinasambit, ito ay ang Wikang Filipino. Tayo ay pinagkakaisa at pinagbubuklod nito.
Sa taong ito ang tema sa buwan ng wika ay Filipino: Wika ng Saliksik. Ang tema ay kumikilala sa wikang Filipino bilang midyum sa paglikha at pagpapalaganap ng pambansang karunungan at kaunlaran. Sa temang ito, papalaganapin ang wikang Filipino sa iba’tibang larangan ng karunungan, lalo na sa aghamm at matematika, ayon sa Komisyon sa Wikang Filipino (KWF).
Sa buwang ito mahahasa ang kahusayan ng mga mag-aaral gamit ang kanilang natatanging karunungan sa pamamagitan ng pagsali at paglahok sa mga iba’t-ibang patimpalak na isasagawa ng paaralan.
Ang pambansang wika ay mahalaga. Atin itong ipagmalaki kahit saan man tayo magpunta. Hindi lamang sa buwan ng Agosto natin dapat pahalagahan ang Wikang Pambansa bagkus atin itong pahalagahan at gamitin araw-araw sa ating buhay.
— oOo—
The author is Teacher III at Caniogan Elementary Schoo, Caniogan, Calumpit, Bulacan, Calumpit South District