KABATAAN SA MAKABAGONG PANAHON
ELSIE P.CABARLE
Milenyals sila kung tawagin. Sila ang mga kabataan sa makabagong panahon kung saan sila ay higit na may kaalaman sa makabagong teknolohiya. Lubhang napakadali sa kanila ang paggamit nito. Minsan may mga termino rin silang ginagamit na lubhang kakaiba kung hindi ka makasunod sa kanilang ibig ipahiwatig. Gayunpaman kahit lubhang makabago na ang panahon at mabilis ang takbo nito sa karamihan marapat lamang na ikintal pa rin natin bilang guro sa mga isipan ng henerasyong ito ang pagiging maka Diyos, makaKalikasan, maka-Tao at maka-bansa.
Sa bawat asignaturang itinuturo anumang antas ng mag-aaral marapat na ipinauunawa natin sa kanila ang kahalagahan nito. U na sa lahat ang pagiging Maka-Diyos- Ang Diyos ay makapangyarihan sa lahat ng bagay . Siya ang patnubay at tanglaw sa ating buhay. Ang kanyang banal na salita ay dapat maibahagi sa kanila dahil ito ang kanilang magiging gabay sa pagsagwan nila sa mga pagsubok na darating sa kanilang buhay. Ikalawa, dapat maitanim natin sa kanilang pagkatao ang pagka maka-Kalikasan dahil hindi lingid sa atin na ibang -iba na ang klima ng panahon ngayon at lubhang mapangwasak ang mga sakunang dinaranas n gating mga kapwa sa ibat-ibang lugar kaya’t marapat lamang na igiit natin sa kanila ang higit na pagmamahal ang dapat ituon sa ating inang kalikasan. Pangatlo, ay ang pagiging maka-Tao, kaalinsabay ng pag-unlad nakaligtaan nan g kabataan ngayon ang pagkakaroon ng malasakit sa kapwa. Marahil di kaila sa atin ang ibat-ibang mga pangyayaring sa kanilang kapaligiran na namulatan na may karahasan at walang pakundangang impluwensiya ng medya na kung saan kahit mali minsa’y dahil ito ay “in” sinusunod ng mga milenyals. Dapat pa rin nating gabayan ang mga ito kung paano na mas mainam ang may respeto, at marunong makipagkapwa -tao ay may magandang maidudulot pa rin sa ating lipunan. Panghuli ay ang pagka maka-bansa kung saan dapat isantabi muna ang nakahiligan at nakamulatang mas higit ang produkto o anumang bagay na galling ng ibang bansa bagkus dapat nating itanim sa kanilang isipan na tayo pa rin ang makikinabang kung bansa natin ay magiging maunlad dahil sa ating malasakit.
Maaring makabago na ang lahat sa ating paligid, ngunit kailanman ang mga nabanggit na dapat isaalang alang sa ating patnubay sa mga kabataan ngayon ay siyang magdidikta kung saan patutungo ang ating buhay bilang Pilipino na alam nating lahat na nakasalalay sa kamay ng mga kabataan ngayon.
— oOo—
The author is Teacher II at Mauaque High School (Res), Division of Mabalacat City