Pamikakunu at Kasalpantayanan (Hesitance and Faith)

“Nganang Sandyaya: Ampat ikit ne i Ardyun kisnang lunus at binang malugma, mangilid karing mata na ing lwa, i Madusudan, Krisna, simbitla no ring makatuking amanu.

Ing Kakataskatasang Tau [Bagwan] ngana: Makamal kung Ardyun, makananu lang dintang ding kelang kabasalang deti keka? E la maka-ayun dit mu man king lalaking makibalu king masaplalang kaulagan ning bye. E la miraras karing lakwas matas a labwad, nung e king kamarinayan. O mambang nang Prita, e ka susuku kanining makababang kabawgan.

E makabage keka iti. Itabili mu ing keynan pusu at tikdo ka, O talapagsisti da ring kasalang. Nganang Ardyun: O mekamate kang Madu [Krisna], makananu kung makayablas karing paslu karing lalaki ning pamilumpung mengari kari Bisma at Drona, a mangayntuliran king pamanyamba ku? Lakwas mayap mye king labwad ayning magpalimus kesa keng mye

katumbas ding bye ding mangatas a kaladwa a kanakung talaturu.

Agya mang sakim la, agyang makananu mu matas la pa mu rin kanaku. Nung paten la, ding tagan mirusingan la pa mu ring daya. E ta mu naman balu nung sanu ing lakwas mayap - - sambutan la o ila ring sumambut. Ding anak nang lalaking Dritarastra, a nung apate ta la e ta na pagmalsakitan pang mye, pakatalakad la ngeni king dayat ning lumpungan ayni.

Ngeni mababaligo ku dikil king kanakung katungkulan at meyala na ing katatagan ku pauli ning keynan. King kabilyang ayni pakisabi kung mayap a sabyan Mu kanaku nung ing sanu ing pekamayap para kanaku. Ngening talapagaral mu ku, at metung a kaladwang susuku Keka. Pakisabi kung mayap a turwanan Mu ku.

Ala kung akakit paralan bang aytabi ku ing lugmang ayni a magpalangi karing kanakung panamdam. E ku agyung siran iti agya mang sumambut kung alang kasimparang kayaryan keti yatu a makiupayang mengari karing diwata king banwa.

Nganang Sandyay: Kasabi na pin, i Ardyun, talapagsisti da ring kasalang, sebyanan ne i Krisna, "Gobinda, e ku makipamuk," at menaimik ya. O sapni nang Barat, king penandit ayta i Krisna, makatiman ya, libutad ding dakal a ukbu karing misusumangid, simbitla no ring amanung makatuki king magmalung i Ardyun.

Nganang sinabi ning Nwan a Panginwan: Kabang sasabyan no ring byasang amanu, pagpaldasan mu ing e karapatdapat pagmalunan. Ding byasa, e da panagulelyan ding mabibye man o ring mete.

Alang panaung meyala Ku, o ika man, o ren mang aring areti; at ninu man kekatamu king payntungul mayala.” ~ Dalit ning Kakatasakatasang PanginwancDangka 2, Sunis 1-13(The Song of God, Chapter 2: Verses 1-13)

***

“Ing Kakataskatasang Panginwan makatuknang Ya karing balang pusu ding balang metung, O Ardyun, at tuturu na la king pamaglayag da ring sablang

mabibye, a mengaring makalukluk king metung a gamit, gawa king panglabwad a sikanan. O sapni nang Barat, sumuku ka Kayang tibubus. Kapamilatan ning kalam Na, mipagkaluban kang makapaymbabo kapayapan at ing kakataskatasan at alang-anggang karinan.

Apamalino Ku na ngeni ing pekamapampan karing sablang belwan. Pakapanigaralan mu iting masalese, at kanita daptan mu ing buri mung daptan.

Pauli ning ika pekamakamal da kang kakaluguran, sasabyan Ku keka ing pekamapampang dake ning belwan. Pakirandaman mu Kanaku iti, pauli ning para king ikakayap mu iti.

Parati mu Kung isipan at magi kang talasuyu Ku. Samban mu Ku at midaun kang pamigalang Kanaku. Kanita dasnan Mu kung alang kamalyan. Pangaku Ku keka ini uling ika ing Kanakung pekamakamal a kakaluguran. Lakwan mo ngan ding sablang kauryan ding kapanyamban at sumuku ka Kanaku.

Ikabus da ka karing sablang kablas ding kasalanan. E ka tatakut.

~ Dalit ning Kakatasakatasamng Panginwan | Dangka 18, Sunis 61-66 (The Song of God, Chapter 18: Verses 61-66)

***

Ding milabas a sunis ila ring pamitalamitan da ri Ardyun (Arjuna) at Krisna (Krishna) limanglibu nang banwa ing milabas, at malino mayayakit ing mabayat nang

pamikakunung Ardyun king buri nang malyari ning Panginwan na’t Matalik

a

Kakaluguran mu naman. Karing mumunang sunis malabug ya pa isip at e ya bisang

mamintu belwan.

Karing kadwang talatag ding sunis ning Dangkang ka-18 pigkalub na na ni ng

Panginwan ing nung nanu ing sukat daptan. Kaybat da reti meganap ing lumpungan

king Kuruksetra nung nu limbug daya pauli ding mengamate king pamipamuk a pignasan nang malyaring Krisna bang mataluki ing katalarwan.

Ing kapalyaryang iti makatala karing aklat a mipamagatanang Srimad Bhagavatam (Mayumung Talasuyu) a kabud dalerayan da ring talasulat at talapanaluse king amlat at mipapaltutwan ngan karing patune akukulkul da reng

archaeologists at kampung ning agham o scientists at talapanaluse o researchers king

bayung panaun.

i Ardyun pauli ding mali nang kapanamdaman, kapanwalan at

***

Dake Talabaldugan:

1. milululan (pangdiwa) midaratuk, mipapagyu, mikakabit na king lulanan o datukanan. English – getting or having contained, getting or having inserted, getting or having kept inside. Alimbawa king pamangamit: “Milululan yang dakal a bungang saresa i Paing king suput na uling buri na lang bakalan keng mumunang aldo ning pamagaral na.”

2. milulub (pangdiwa) makalub, makapunta king kilub. English – gets to enter or get inside. Alimbawa king pamangamit: “Agyang e ya magaral i Tonyu keng pipagaralan king kabalenan milulub ya pa mu rin uling tegawan ne ing makibandi.”

***

MIKASING-KABALDUGANG AMANU TAMU

1. abit – talan a magpaurung king tatalanan.

2. igut – mengari king abit kabaldugan mu naman.

3. bagut – pamanabit king nanu mang bage makakaluban, makasara, makapalub o makakutkut

4. kabid – dapat a pamangwa king o karing nanu mang bage bang mipunta king kakabid.

5. laput – mengari king bagut; pamanabit king nanu mang bage makakaluban, makasara, makapalub o makakutkut. Amanung gagamitan da reng tau Tarlak.

***

Salamat pung dakal king pamanangkilik keng Kapisik at SunStar Pampanga. Malyari ko pung mag-email keng kek’ong talasulat king garciakragi@yahoo.com/

mag-text o maus para karing kutang o munikala: 0942-3924-399 o 09453795-270.