Pamiganaka king Ginu, Pamiganaka king Katutwan

(Remembering the Lord, Remembering the Truth)

“Maglayag kang makasake karing alang lamang daung

Papunta king ala mu namang laman a laut,

Sake da ring limang alang laman a kabayu

At muli kang ala mu namang laman king alang laman a pibale-bale

King pagkamalyan mung alang laman a santungan.

Uling ing tune mung tuknangan ya pin ing Nwan a Lagyu.” ~ Kim Kalki Seraneb “Ing makasaup kekatamu ila pin ding Nwan a Lagyu ning Ginu!”

~ Dalit 124:8

“Ikabus Mu ku kapamilatan ding Lagyu Mu, Dyos ku!

Pawalan mu ing sala ku kapamilatan ning upaya Mu.

Pakirandaman mu ing dalangin ku, O Dyos; Pakirandaman mu la ring amanu ning asbuk ku. Bitasa ing Dyos yang kasaupan ku.” ~ Dalit 54 “Ninu man, king penandit ning kamatayan, lakwan ne ing katawan,

a Aku mu ing agaganaka na, tambing dasna na ing kalikasan Ku.

Kanini alang kapikakunwan.”

“Nanu man ing kabilyan ning ninu man king pamaglako na

king katawan, ing kabilyang ita yang dasnan na.”

~ Dalit ning Kakataskatasang Panginwan , Dangka 8: Sunis 5-6

(The Song of God, 8:5-6)

***

Ing Ginu ya ing Ibpa at Indu ding sablang mabi bye.

Ding kaladwan (animals) parati lang maliligalig; tuturing da ing sarili da a ila ing katawan; kikilalanan da ing sarili da anti ing katawan— isip da: “Matsing ku.”, “Ayup ku”, at nanu-nanu pa. Kapamilatan ning pakalulu ning Ginu (king pamitalubu o avatar nang Lord Chaitanya) dindam da la ring Nwan a Lagyu at tikman da ing yumu ning pulut ning lugud king Dyos. Midakayan la king ligayang lubus denasan nang Ginung Chaitanya. Bayu de Ya dindam i Lord Chaitanya, atin lang sarili dang bye anting kaladwan o animals.

Makatuknang la king labwad ning kagubatan. Ing labwad ayni gubat ya. Ding mapilan matsing la, ding aliwa ayup la, at aliwa pa. Pakatuknang la karing miyayaliwang gubat. Antini tamu. Aku ing katawan, ini ing pamilya ku… ini ing balayan ku.

Dapot, aliwa ika ing katawan, ika ing diwang kaladwa o spirit soul. >