MATATAG NA PAGBASA, NAPAKAHALAGA!
ELLAINE P.PARAS
Ang pagbasa ay nagbibigay daan sa pag-unlad ng isang bansa. Sa pagsusulong ng kahalagahan ng pagbasa, ipinagdiriwang taun-taon ang Pambansang Buwan at Araw ng Pagbasa sa buong bansa. Sa temang "PAGBASA: Pag-asa sa MATATAG na Kinabukasan" ngayong 2023, layunin nitong palakasin ang pundasyon ng kaalaman at kasanayan ng bawat mamamayan. Sa pag-aaral ng sariwang aklat, pagsusuri ng makabagong balita, at pakikibahagi sa mga literatura, nagiging instrumento ang pagbasa para sa masiglang kaisipan at maunlad na lipunan. Isang paalala ito na ang pagtuklas ng mga akda mula sa iba't ibang anyo ng panitikan ay nagbubukas ng pintuan sa mas malalim na pang-unawa sa sariling kultura at ng buong mundo. Ang temang ito ay naglalayong itaguyod ang pag-unlad ng bansa sa pamamagitan ng malawakang edukasyon. Ang pagbasa ay hindi lamang simpleng kilos, kundi isang hakbang patungo sa paglinang ng pag-iisip at damdamin. Sa pagdiriwang ng Pambansang Buwan at Araw ng Pagbasa, nagiging inspirasyon ito sa lahat na magsikap at maging bahagi ng pag-usbong ng bayan. Sa pagtutulungan ng bawat sektor ng lipunan, maaaring maging tulay ang pagbasa tungo sa mas matatag na kinabukasan. Ito ay naglalaman ng pangako ng pag-asa, at sa bawat pahinang binubuksan, isang pintig ng pag-asa ang bumabalot sa kaisipan ng bawat Pilipino. Sa pagtataguyod ng temang ito, nawa'y maging inspirasyon ang Pambansang Buwan at Araw ng Pagbasa sa bawat isa na magsikap para sa masiglang bukas. Ang pagbasa ay hindi lamang para sa kasalukuyan, kundi isang pamana para sa mga susunod na henerasyon. Sa pag-aaral ng magagandang halimbawa at aral mula sa mga akda, tayo'y magiging huwaran ng matatag na kinabukasan.
-oOoThe author is a Teacher III at Rodolfo V. Feliciano Memorial High School – Cluster I