ABUSO SA PAGBABAGO
May kilala ka rin bang hirap makasabay sa liksyon at na iistress dahil sa mga patong patong na gawaing pampaaralan? Lagi bang mababa ang kanilang marka sa mga takdang aralin kaya't kumapit sila makabagong teknolohiya na "Artificial intelligence" partikular ang isang aplikasyon sa mobile gadget na kung tawagin ay ChatGPT? Halina't pag usapan natin ito.
Hindi maitatanggi na malayo na ang ating narating pagdating sa usapin ng teknolohiya, kaya naman halos lahat ng tao partikular ang mga estudyante ngayon ay nakabigkis na rito. Kung iisipin nga ay malaki ang tulong nito sa pang araw araw na buhay ng mga estudyante lalo na ng mga iilang hirap makaintindi o nahihirapang sumabay sa liksyon sa klase.
Ngunit ano nga ba ang napapanahon ngayon na kung tawagin ay "Artifical Intelligence" o AI? Ano nga ba ang kayang gawin nito, at ano nga ba ang maaaring maging epekto nito sa pag uugali ng mga kabataan ngayon?
Ang artificial intelligence o AI ay isa sa mga pinakabagong teknolohiya na kayang mag sulat,mag salita,at mag isip na tila bay isang totoong tao. Ang teknolohiyang ito ay may malaking tulong sa iilang mga mag aaral sa kanilang mga gawain sa paaralan. Gamit lamang ang gadget ay nasasagot at natatapos nila ang kanilang gawain gayong hindi naman talaga nila lubos na naiintindihan ang kanilang aralin na sya namang pinangangambahan ng mga guro ngayon
Ngunit tulad ng inaasahan ng marami, ang teknolohiyang ito ay mayroon ding hindi magandang naidudulot sa pag uugali ng mga kabataan ngayon. Dahil dito ay tila tinatamad ng makinig ang mga estudyante sa pangangaral ng kanilang guro,hindi na gaanong pinagtutuunan ng pansin ang aralin o inugali na ang tinatawag nilang "manyana habit" o yung tipong ipagpapabukas na lang nang ipagpapabukas ang gawain dahil kampante ang kanilang loob na mayroong makasasagot sa kanilang problema.
Kung tutuusin, mabuti sana ang magiging epekto ng teknolohiyang ito sa bawat isa . Ngunit kung patuloy na hindi ito magagamit ng wasto at patuloy na maaabuso ay tiyak na isisilang ang henerasyon ng mga tamad.
-oOoThe author is Teacher III at Diosdado Macapagal Memorial High School