Ing Ulaga ning Danum

(The Importance of Water)

“Um ~ Danum” Lalagusgus gilid na ning bunduk, Mamulandit, dapot e magkasakit, Mamagus king lmalwalas a dagat. Umm ~ Danum Banayad a batis at ilug, Gagalo...gagato, Papunta king gilid dagat.

Bustan mu mangari ku king danum, E pakikwanan ing maging matas, Dapot papunta parati king pekamababang dane, at karin susuglap karing mata ning Palsintan.

Mamali-maling daum, kakasna karing mata ning Kapalsinta, dadaludus king lupa na, mangadi bang miras king lele Na.

Bustan mung alasa ku ing danum ayta, lamak ibat king babo, bustan mung dalan na ku, king kaul ning ka'kung Palsinta.

~ Siddha, "Danum"

menibat king "Metung a Banayad a Sikanan" “Daya king danum. Daya king danum. Daya king danum… Ing daya king danum pinatak, dinulum. Ing asin king sugat pekaplas king balat. Daya king danum, ninu mang minum… Kasapakat ne’ing kampung ning dalumdum! Ing daya ning ari tambing nang tinulari. Misamut king alun king lino tinambun. Daya king danum, ninu mang minum… Ya ing ulimo kambal ning dalumdum! Dayat malat kinasnang kundiman, Ing aslag migyagyag karing asan. Daya king danum, ninu mang minum… Kasapakat ne’ing kampung ning dalumdum! Daya king danum. Daya king danum. Daya king danum. Daya king danum. Daya king danum. "~Miguel Serrano, “Daya king Danum” 2005

***

90% ning katawan ning tau danum ngan. E ta malyaring bumye nung ala ya iti kambe at mengari king gabun, amgin at api. Angin. Ing danum maragul neng sangkap ning bye tamu at ing gamit na alus magmula king pangabait tamu angga na potang mayangu tamu bye. Bista man atin ya namang kakambal a panganib a kayabe ing danum, deng kayapan na na pamung tagle ila ring talakayan tamu.

Ing inuman ning indu ya mu naman ing inuman ning pungul kambe ning kakanan na king kilub nang atsan ning indu na nung nu makababad ya naman keng danum kilub ning pilunan. Kalwal na niong pungul dilwan de keng danum. Potang dagul ne, e mu gatas ing inuman na, minum nya namang danum. Ing lampin na pipyan da keng danum.

Karagul ning bingut abalu na na ing ulaga ning danum. Mekad kawe ya. Mamangka ya at nanu nanu-pang aliwa ing gawan nang makasuglung keng pamangamit danum.

Inyang minunang panaun a ala pang saken pang-gabun (kotsi, truck, tren, at aliwa pa) at pangangin--(helicopter, airplane, jet, rocketship) inmg danum mu yang paralan, subali keng pamag-lakad at pamanyake kabayu o aliwang animals— ing danum mu yang daralanan at paralan bang makapaglakbe la reng tau gamit la reng viray, karako, at inyang misaplala ne ing yatu at angga na king kasalungsungan— lantsa, yacht, ships, submarines, at aliwa pa.

Patune iti keng kaulagan ning danum king bye tamu pati na karing aliwang lelangan, magmula king pamikagli angga na king pangabait; magmula king pamangdagul da, pamagkyasawa at pamagpamilya, angga na king tumwa na la at mayangu bye, nung nu mipisikanan lang holy water o banal a danum.

Deng sablang lelangan kaylangan da ing danum, tau, asan, ayup, baka, damulag, kabayu, at