KASANAYAN SA BALARILANG FILIPINO:HAMON SA MGA MAKABAGONG PILIPINO
Ang pangunahing suliranin ng mga mag-aaral ngayon ay ang kanilang kakayahan sa paggamit ng wikang Filipino.
Nag-aatubili silang magtanong kung hindi nila nauunawaan ang itinuturo ng kanilang guro. Dahil dito, sila ay nagiging mahiyain sa pagsagot sa klase.
Ito ang kanilang hamon sa ngayon.
Natuklasan na ang tugon sa hamon na ito ay ang pagsasanay nila sa sarili upang mapabuti ang kanilang kasanayan sa pagsasalita ng Filipino, sa larangan man ng akademika at sa kanilang pangsosyal na buhay.
Ang pagpapahalaga at paghubog ng kasanayan sa Filipino ay may malaking bahagi sa pag-unlad ng komunikasyon at pakikipag-ugnayan ng mga mag-aaral.
Ang Filipino ay itinuturing na wikang mahirap gamitin sa pakikipagtalastasan dahil sa kakulangan ng bokabularyo sa naturang wika, gawa ng hindi ito gaanong ginagamit, na nakaaapekto sa kahusayan at katuwiran sa pagpapahayag.
Sa pagsasalita, kailangang may sapat na kasanayan sa pag-iisip ng mensahe sa pinakamaikling panahon, gayun din ang sapat na kasanayan sa paggamit ng mga kasangkapan sa pagsasalita tulad ng tinig, tindig, kumpas at iba pang anyong di-berbal.
Kailangan rin may kakayahang makipag-ugnayan at makipagtalastasan sa kapwa gamit ang iba't-ibang lenggawahe. Sapagkat ang pakikipagtalastasan sa kapwa ay nangangailangan ng mga salita at tunog, dapat palawakin ng mga mag-aaral ang kanilang bokabularyo upang magkaroon ng malawakang pag-uunawaan.
Kinakailangan din hasain ng mga mag-aaral ang kanilang pagbigkas sa mga salita. Ang hindi maayos na pagbigkas sa mga salita ay nakakasagabal upang ipaintindi ng isang mag-aaralang kanyang mga ideya at saloobin.
Nabibilang rin na kinakailangang alam ng mga mag-aaral ang tamang pagbuo ng pangungusap o ang grammar upang maging matiwasay ang kanyang pakikipag-usap sa ibang tao.
-oOoThe author is SST II at San Simon High School