BALIK PASUKAN SA HUNYO

MILETH S. LOPEZ

Dati nang binanggit sa ilalim ng panunungkulan ni dating Pangulong Benigno C. Aquino Sr. ang paglipat sa pasukan sa tuwing buwan ng Setyembre. Ayon sa kanya nararapat lamang na ilipat ito sapagkat ang panahon ng tag-ulan ay kailangan iwaksan upang hindi maantala ang pag-aaral

Ganunpaman hindi ito naisakatuparan sa panahon ng administrasyong Duterte. Ngunit sa pagdating ng pandemya,ito ay naipatupad.Klase nga ay nasimulan sa buwan ng Agosto at Setyembre sa dalawang magkasunod na taon .Ika ng iilan, hindi malalaman kung hindi mararanasan. Sa kabila ng pagpuno sa mga learning losses dulot ng pandemiya , dito na lumabas ang samut-saring inahing ng mga guro at magaaral . Sapagkat naiwasan nga ang mga bata sa panahon ng habagat ,kanila namang natamasaan ang bagsik ng init ng tag-araw.

Ang Pilipinas bilang isang bansang tropikal ay tunay na makakaranas ng matinding init ng araw tuwing buwan ng Abril at Marso . Ang mga pasilidad sa paaralan ng bansa ay hindi naayon sa matinding init . Kaya nagresulta ito sa heat stroke o iba pang karamdaman ng mga mag-aaral , maging ng mga guro.

Sa kadahilanang ito, muling sinuri at inaral ng mga kinauukulan sa pamparunungang taong kalendaryo ng pag-aaral ng mga bata . Nitong nakaraang mga araw, inilabas na nila sa kagawaran ang memorandum.

Sa darating na Panuruang taon 2025 – 2026 ay muling ibabalik sa buwan ng Hunyo ng pasukan . Marami sa mga guro, ang sang-ayon na ang Hunyo ang tamang panahon para sa simula ng pag-aaral . Nakakaranas man ng matinding ulan tuwing panahon ng habagat , mas mahirap pa ring kalaban ang matinding init ng panahon tuwing summer . Unang –una, kinokonsidera nila ay ang mga silid aralan na hindi akma ang pagkakagawa sa matinding init , sapagkat mayroon pa ding iilang wala pang kisame . Ang iba naming ay nagsasabing po at siksikan ang mga ito sa loob .

Samantalang kung boses ng mga magulang naman, para sa kanila , maluwag ang buhay tuwing Hunyo, kung kaya magiliw nilang tanggap ang pagbabalik Hunyo ng pasukan Higit naman itong pinatunayan lalo nang mga magulang na nakikipag-arawan lamang , na umaasa araw-araw na kita sa pakikipagtrabaho . Sa kabilang banda , ang edukasyon ang isa sa mga mahalagang prayoridad ng gobyerno sapagkat ang sumusunod na henerasyon ay nakasalalay dito . Lahat ng uupong maging kalihim ng kagawaran ay tunay na maganda ang hangarin upang maisaayos ang kalidad ng edukasyon . Ito naman ay napatunayan at nakayanan lalo na sa kasagsagan ng COVID19. Sapagkat ang tunay na mahalaga ay ang ipagpatuloy ang edukasyon anuman ang sitwasyon.

-oOoThe author is Teacher III at San Basilio Elementary School, Santa Rita District