PAG-UNLAD NG TALASALITAAN NG MGA MAG-AARAL GAMIT ANG KAGAMITANG BISWAL SA KASANAYANG PAGKATUTO SA ASIGNATURANG FILIPINO
Ang asignaturang Filipino ay isa sa mga pangunahing asignatura sa sistema ng edukasyon. Sa kasulukuyan, ang pag-aaral na ito ay pinagtutuunan ng pansin at kinikilala. Ang paggamit ng kagamitang biswal ay partikular na ginagawa upang makapag-aral. Ito ay paraan upang mapaunlad ang kaalaman ng mga mag-aaral.
Ayon kay Varona et al. (2020) ang kaalaman sa paggamit ng teknolohiya sa pagtuturo ay higit na magandang maisakatuparan nang sa gayon ay mapalawak ang pagtuturo at pagkatuto. Nagsisilbi itong gabay sa mga mag-aaral upang ito ay lubos nilang maunawaan.
Ang talasalitaan ayon kay Tolentino (2019), ay binibigyan ng kahulugan sa matatalinghagang pahayag o sinasalamin ng paggamit nito ang kagandahan at pagkamalikhain ng anumang wika. Ito ay ang pagbibigay ng kahulugan sa mga salita na nasa loob ng isang wika na pamilyar na nagpapaunlad sa bokabularyo na kilala rin bilang talasalitaan.
Ipinahayag rin ni De Guzman et al. (2021), ang kakayahan sa pagkatuto ng asignaturang Filipino ng mga mag-aaral ay napakahusay sa pagpili ng wastong salita, wastong gamit ng mga salita, pagbuo ng pangungusap at sa panitikan. Ito ay pagpupuna o pagpapakilala sa asignaturang Filipino upang ito ay kilalanin.
Ang asignaturang Filipino ay isang mahalagang bahagi ng kurikulum sa mga paaralan sa Pilipinas. Upang matiyak ang mahusay na pagkatuto ng mga mag-aaral sa wikang ito, mahalaga na mabigyangpansin ang pag-unlad ng kanilang talasalitaan. Sa kasalukuyan, maraming mga kagamitang biswal ang nagiging popular na suporta sa pagkatuto, na nagbibigay ng iba't ibang paraan para mapalawak at mapaunlad ang talasalitaan ng mga mag-aaral.
Ang paggamit ng mga kagamitang biswal sa pagkatuto ay isa sa mga pagsisikap na makabago at makapagbigay ng mas magandang karanasan sa pag-aaral ng mga mag-aaral. Ayon sa isang pananaliksik ni Garcia at Mendoza (2020), ang paggamit ng mga biswal na kagamitan ay nagpapalawak ng kaalaman ng mga mag-aaral at nagbibigay ng iba't ibang perspektibo sa pagsusuri at pag-unawa sa mga konsepto ng wika. Makatutulong ito sa mga mag-aaral na maipahayag ang kanilang mga ideya at saloobin sa Filipino nang mas malikhain at mas makahulugan.
-oOoThe author is Teacher at Our Lady of Fatima University- Cabanatuan Campus