Gun runner nasikop sa buy-bust sa Danao

USA ka gidudahang gun runner nasikop sa buybust operation sa kapulisan nakuhaa’g daghang armas niadtong Huwebes sa alas 5:00 sa hapon sa iyang sa Barangay Suba, dakbayan a Danao.

Si Lemuel Laurente, hingkod ang panuigon, negosante og litsong baboy ug molupyo sa dapit ang nakuhaag lima ka kalibre .45 uban sa mga magasin dihang gihimo ang buy-bust sa mga sakop sa Provincial Intelligence Branch (PIB) sa Cebu Provincial Police Office(CPPO).

Si Sr. Supt. Patrocinio Comendador, direktor sa kapulisan sa lalawigan sa Sugbo kinsa nipresentar kang Laurente, diha sa yang buhatan, niingon nga dako og epekto ang pagkasikop niini.

Dugang ni Comendador, magsilbi kining mensahe niadtong mga tawong nalambigit sa pagpalusot sa mga paltik nga armas nga bisan kon nagsingabot ang eleksyon, mobaligya gihapon og armas.

Wala sab niini isalikway ang posibilidad nga ang maong mga armas mapunta sa mga kamot sa politiko nga magamit panahon sa eleksyon.

Matod niya, kasong kalapasan sa RA.8294 kun illegal possession of firearm ingon man kasong kalapasan sa Comelec gun ban base sa Resolution Number 9561-A.

Si Laurente, nahinabi sa mga tigbalita nga ikatulo pa niyang higayon nga nibaligyag mga armas diin siya makaporsiyento niini sa kantidad lang gikabn sa P100 ngadto sa P300 gikan sa usa ka “Richard.’

Ang hepe sa PIB Supt. Rodolfo Albotra Jr. mibutyag nga usa ka simanang ilang gi- monitor si Laurente, dihang nikubit sa ilang transaksyon nga mopalit silag 20 ka mga armas.

Ang iyang deputy nga si Insp. Rogelio Amoroso Jr., maoy nangulo sa buybust operation.

Apan tungod kay naleksyon na ang mga tigbaligyag armas sa mga nahitabong dakop ilang gi-usab ang estilo sa pagbaligya ipang-tigi-tigi og kuhaon una ang kuwarta hinungdan nga lima lang ang ilang nakuha.

Si ilang gisusi karon gi- validate ang ubang stock holders og armas diha sa Danao, manufacturers ug gun dealers uban si Laurente.

Gklaro niini nga duna silay mga watchlist sa PIB kalabot niining mga gunrunners ug stock holders, hinuon wala sila mohunong sa ilang kampanya batok niini labi na nga nagsingabot ang election.

Lakip sa nakuhang ibedensiya mao ang P1000 nga kabahin sa buy-bust money, ang armas mokantidad tanan sa P28 mil.