‘Barkada ni Pedro’ mikaylap sa abroad

Sama sa Sinulog Festival, ang ‘Barkada ni Pedro’ world-class na.

Dili lang diay mga Filipino ang nilike sa facebook fanpage ni San Pedro Calungsod -- ang ‘Barkada ni Pedro’ (BNP), kon dili hasta ang mga langyaw.

Sumala sa facebook database sa BNP, nag-unang lima ka nasod gawas sa Pilipinas mao ang Amerika, Saudi Arabia, United Arab Emirates, Canada ug Spain.

Gisundan kini sa mga nasod sa Singapore, Italy, Qatar, Japan ug South Korea.

Sulod lamang sa lima ka bulan, hapit 10,000 na ang misalmot sa prayer online community nga gimugma alang sa ikaduha nga santo nga Filipino.

Ang tumong ug tuyo sa volunteers sa Commission on Youth sa Archdiocese of Cebu sa paghimo niini mao ang paghatag ug kahigayunan sa mga tawo nga gusto magpa-ampo sa ilang mga petisyon ug moampo alang sa petisyon sa uban.

Sa miaging kanonisasyon ni San Pedro niadtong Oktubre 2012, gipailaila kining online prayer barkada didto sa Vatican, Rome, ug karong umaabot nga World Youth Day sa Rio de Janiero sa Brazil sa Hulyo 2013 giplanohan nga iintroduce usab kini didto.

Sa mga wala pa ka-‘ like’ ug alang sa dugang detalye, i- search lang ang BARKADA NI PEDRO sa facebook o kaha log-on sa www.facebook.com/barkadanipedro.

(TAMPO NGA HULAGWAY) BNP VOLUNTEERS. Ang mga kabatan-onan nga miyembro sa Barkada ni Pedro (BNP - San Pedro Calungsod) sa taas nga hulagway ug ang pipila ka bountaryo sa BNP ubang kang Cardinal Tagle sa ubos nga hulagway.