Pag-ban malibkas na unta: Armstrong
HUMAN sa kontrobersiyal niyang pag-angkon nga tiggamitan sa gidiling drugas, ang inilang siklesta nga si Lance Armstrong, gustong mobalik og salmot sa mga kompetisyon.
Nagtuo siya nga dili angay siyang pahamtangan og silot nga death penalty sa iyang career.
“Hell yes, I’m a competitor,” matod ni Armstrong sa dihang mi- guest siya sa television talk show ni Oprah Winfrey sa dihang gipangutana siya kon gusto pa ba kiing moapil og mga lumba.
“It’s what I’ve done my whole life. I love to train. I love to race. I love to toe the line,” pasabot sa 41-anyos nga Texan. “Not the Tour de France, but there’s a lot of other things I could do.”
“I made my bed,” dugang niya. “But if there was ever a window, would I like to run the Chicago Marathon when I’m 50? I would love to do that.”
Sa unang segment sa iyang interview nga gipakita niadtong Huwebes, si Armstrong mikumpisal nga ang iyang record nga pito ka Tour de France titles iyang gigamitan og gidiling drugas.