Arum malaumon sa Donaire-mares fight

MALAUMON gihapon si Top Rank CEO Bob Arum nga iyang mapahigayon ang unification bout tali ni boxing star Nonito Donaire Jr. ug unbeaten Mexican champion Abner Mares.

Dako ang iyang pagtuo nga iya kining matrabaho ug ang maong away posibling mahitabo sa Abril.

“We’d like to get that fight done. I know that I’ve been contacted by Mares’ manager, Frank Espinoza, and he’s trying to work out a deal with Golden Boy to free up Mares,” matod ni Arum ngadto ni Lem Satterfield sa RingTV.

Si Mares, World Boxing Council (WBC) super bantamweight champion, ubos sa promotional right sa Golden Boy Promotions (GBP), nga kaatbang sa Top Rank ni Arum.

Ang Top Rank mao usab ang eksklusibong nakaangkon sa promotional rights ni Donaire, ang World Boxing Organization (WBO) superbantamweight.

“We will see [Donaire] again hopefully in April. If we can free up Mares, that would be a good fight. If we can’t, then [Donaire will] probably fight Guillermo] Rigondeaux,” dugang ni Arum.