OFF-BALANCE SHOT
Celtics napildi sa Bulls, 100-99
LISOD ug daw sa wa damha nga kadaugan maoy napupo sa Chicago Bulls kagahapon sa dihang ang off
balance shot ni Marco Belineli sa katapusang 3.1 segundos maoy nahimong yawi sa kadaugan, 100-99, sa overtime batok sa Boston Celtics.
‘’That’s natural. I know it’s a crazy shot, the fallaway. The
ball went in,’’ matod ni Belinelli, kinsa gibuboan sa ice bucket sa iyang kauban nga si Taj Gibson tungod sa talagsaon apan bayanihon nga itsa. Nag-ungaw na gyud unta sa kapildihan ang Bulls sa
fourth quarter apan ang jumpshot ni Kirk Hinrich sa nahabiling dos segundos nga nakapatabla sa regulation period.
Hugot nga kombati ang nasaksihan sa overtime diin nagtinubigay sa ilang mga itsa ang matag habig. Si Jimmy Butler sa Bulls mipugnit og unom ka sunodsunod nga itsa.
Naglabaw na unta ang Boston, 99-98, human bugnawng mipasulod si Jason Terry sa iyang jumpshoot. Apan kini nabaliwala lang sa dihang nahitabo ang wa damhang
off-balance shot ni Belinelli.
‘’It was really fun being out there with my guys. It’s
crazy they have me out there,’’ ingon ni Butler ‘’They had faith in me. ‘Whenever I scored a basket they kept yelling,
‘Keep going Jimmy!’’’
Si Butler adunay 13 puntos alang sa Bulls kinsa nakakuha usab og 19 puntos ug 20 ka rebounds gikan ni Carlos Boozer. Kadto maoy ilang ika-14 ka sunodsunod nga kadaugan sa ilang road game. Wa gyud sila mapildi gawas sa ilang korte sukad niadtong Abril 2011.
Si Rajon Rondo mikulit og season-high nga 30 puntos alang sa Boston sa wa pa kini ma- fouled out.
Sila si Kevin Garnett mirehistro og 16 puntos. Sa maong duwa, naapsan na usab ni Paul Pierce si kanhi Celtics star Robert Parish sa ika-22 nga luna sa career scoring list sa NBA human kini mitali og 13 puntos. Sa kinatibuk-an, si Pierce nakatigom na og 23,342 samtang 23, 334 ang kang Parish.
Subay niini, gipaabot nga makaduwa na og balik sa Derrick Rose sa Chicago sa uwahing bahin sa Pebrero human sa malampuson niyang operasyon sa tuhod. Sa pagkakaron, niapil-apil na sab siya sa ensayo sa Bulls. Sa laing duwa, nabaling sa Brooklyn Nets ang Atlanta Hawks, 94-89, ug gilubong sa Grizzlies ang Kings, 85-69. Gibungkag sa Pacers ang Rockets, 105-95, ug gibuntog sa Philadelphia ang Toromto sa overtime, 108-101, ug gibaraw sa Bobcats ang Magic, 106-100.